Attention Guest, if you are not a member of Urdu Tehzeb, you have 1 new private message waiting, to view it you must fill out 
بچپن کے دن
خوبصورت سماں تھا بچپن میں
دوست سارا جہاں تھا بچپن میں
چاند پر تم نے گھر بنایا ہے آج
میرا گھر تو وہاں تھا بچپن میں
کمسنی کیا کمال ہوتی ہے
میں تو اِک کہکشاں تھا بچپن میں
ہو بڑے بد تمیز شرم کرو
لب پہ فقرہ رواں تھا بچپن میں
ہم سا کوئی نہیں ہے دنیا میں
ہاں یہ غالب گماں تھا بچپن میں
میرے چاروں طرف تھے پھول ہی پھول
ہر شجر سائباں تھا بچپن میں
چھیڑ کر ہسنا، ہنس کہ رو دینا
دل بڑا ناتواں تھا بچپن میں
تھا میں شہزادہ اور پریوں کا
میرے سنگ کارواں تھا بچپن میں
آج ہے زرد میرا چہرہ تو کیا؟
سُرخ آتش فشاں تھا بچپن میں
خلق کو اب وہاں رسائی ہوئی
ذہن میرا جہاں تھا بچپن میں
اب ہے کمزور تو رضا لیکن
ایک گھبرو جواں تھا بچپن میں
Similar Threads:
Reply With Quote
Bookmarks