Attention Guest, if you are not a member of Urdu Tehzeb, you have 1 new private message waiting, to view it you must fill out 
آخری نظم
خالی پیٹ میں کتنی نظمیں لکھ سکتا ہوں
بکھرے دن کو اکٹھا کرنے والی
بھُوکی رات بھی مُجھ پر پل پڑتی ہے !
خالی پیٹ سوائے اپنی بھُوک کے کوئی اور
فحاشی کرنے سے قاصر ہے !
خالی پیٹ نمازیں بھی مقبول نہیں!
خالی خولی باتوں سے
خالی پیٹ کو متلی ہوتی ہے
کیوں نہ پھر میں اپنی آخری کوئی نظم لکھوں
جس میں اپنی ساری
گُزشتہ نظمیں ٹھونسوں
اور تُمھاری اُبھری توندوں پر رکھ دُوں
لیکن تُم میری آخری نظم پڑھو گے کیسے ؟
حد سے زیادہ بھرے ہُوئے پیٹوں کا
ذھن بھی بھر جاتا
ہر آدم زاد کے اندر جو شاعر ہوتا ہے
وُہ شاعر بھی مر جاتا ہے
میں ایسے کرتا ہوں
اپنے اندر کے شاعر کے
مر جانے سے پہلے
کُچھ دن اور میں لکھ کر دیکھوں
خالی پیٹ میں کتنی نظمیں لکھ سکتا ہوں
Similar Threads:
Reply With Quote
Bookmarks