وہی بیکار کی باتیں، وہی بیکار کے قصّے

[KhUsHi]

بہت فرسودہ لگتے ہیں مجھے اب یار کے قصّے
گل و گلزار کی باتیں لب و رخسار کے قصّے

یہاں سب کے مقدّر میں فقط زخم ِجدائی ہے
سبھی جھوٹے فسانے ہیں وصال ِیار کے قصّے

بھلا عشق و محبّت سے کسی کا پیٹ بھرتا ہے
سنو! تم کو سناتا ہوں میں کاروبار کے قصّے

کہانی قیس و لیلیٰ کی بہت ہی خوب ہے لیکن
مرے دل کو لبھاتے ہیں رسن و دار کے قصے

میں اکثر اس لئے لوگوں سے جا کر خود نہیں ملتا
وہی بیکار کی باتیں، وہی بیکار کے قصّے

Similar Threads:

• تو خالق ہر شے کا، یا حیُّ یا قیّوم
• ہجر کی شب میں قید کرے یا صُبحِ وصال میں رکھے
• خوشبو کی ترتیب ، ہَوا کے رقص میں ہے
• ہجر کی شب میں قید کرے یا صُبح وصَال میں رکھے
• لب پر کسی کا بھی ہو، دل میں تیرا نقشا ہے

[intelligent086]

بہت عمدہ۔۔۔۔۔۔۔۔۔۔۔۔۔۔۔۔۔۔۔۔۔۔۔۔