Attention Guest, if you are not a member of Urdu Tehzeb, you have 1 new private message waiting, to view it you must fill out 
FOR #PESHAWAR FLOWERS WHO HAVE BEEN KILLED BY TERRORISTS
Mae nunha sa jugno tha
Bae zarar Bae bus sa
Ubhi to punkh udh khulay thay
Ubhi to roshni bhi
Na simmat payi thi mujhe mae
Ubhi to Samjha hi tha mae nay
Kalyug kia hae
Sanjoog kia hae
Ubhi to maa ki thundi chaoon mae
Uth-kaliyaan kia karta tha mae
Ubhi to baba ko chup chup kar
Tung kia karta tha mae
Ubhi to dost hi mairay
Kahan sub bun payay thay
Ubhi to sur karni theen mai nay
wo sub oonchi oonchi chattan-ain
jahan basaira tha
Iqbal k shaheenoo ka
Ubhi to khud ki mairay
Pahchaan hi kahan bun payi thi
hairan khuli saakit ankhain liyay
sauchta hoon mai
Bigarra tha akhir
Kia mae nae kisi ka
Bus purhnay hi to gaya tha
Iqra ka sipara
Bus bun nay hi to gaya tha
Sunnat ka sitara
Kia yahi qasoor bungaya maira
K bujha k mujhko kardia undhaira
Ik bar baba k kalejay sae to lippat jata
Ik bar maa k pahlo mae hi simmat jata
Ik bar bhai k senay sae hi lug janay daitay
Mairi appa k maathay per
mujhe ik boosa hi lai lay nay daitay
Kitnay muqaddas juzbon ko tum nae
Kitni paak chahatoon ko tum nae
Dil mae bassi kayi hasratoon koAhh!
Barbad kia mairi subhi mohabbaton ko
Jatay huyay ik sawal karta hon
Aae zalim tujhe per Qatal upna halal karta hon
Pus! to itna batla day
Kia tujhe mae taqqat hae itni
Aae! Maut baant nay walay
Kia teri uqaat hae itni
K khali aik insan bana dae
Ik jism to tukhleeq kar k
Us mae phir rooh sama-day ????
Mae nunha sa ik jugno tha .
Bae zarar Bae bus sa
.......
illusionist
Similar Threads:
Reply With Quote
Bookmarks