Attention Guest, if you are not a member of Urdu Tehzeb, you have 1 new private message waiting, to view it you must fill out this form.
Zamana Jahliyat-Umera Ahmad K Novel Peer e Kamil Se Iqtabas
"hum sab apni zindagi ky kisi na kisi marhaly par zamna-e-jahliat sy gozarty hain .baaz gozar jaty hain ,baaz sari zindagi esi zamany main gozar dety hain .aap es main sy gozar choky hain .main aap ko phachtawy sy rokon ga ......na toba aur dua sy sab aap par faraz hae ky aap apni sari zindagi yeh karain magar es ky sath sath shokar bi ada karain ky aap nafas ki tamam bimarion sy chotkara pa choky hain."
Similar Threads:
DonT Wanna Say AnythinG!!!
Don’t PLAY With Me
Coz I know
I Can PLAY Better Than You.
kayra~
Iss genration k problems aur hain. Aapke zamaane ki tarah humaara waahid problem aapne aapko aur apne khandaan ko ziyada se ziyada cultured, Treditional aur arsto-cretic bana kar paysh karna nahi hai. Humko ziyada se ziyada manners na sikhaayain humko yeh bataayain k hum itni tayzi se badalti huwi duniya main apna wajood kaise qaayiam rakhan. Apne liye konsi values ka intekhaab karain aur phir kaise in values ko Intact rakhain relationship kaise banaayain aur unhain barqaraar kaise rakhain. Apna mental equilibrium kaise rakhain? Jab stress ho'n toh iss se kistarah larhain? Jab depration ho toh iss se kistarah nijaat haasil karain apni tanhaayi ka elaaj kis cheez se karain? Aapki genration ne zindagi ko ache marks aur ache manners k darmiyan iss tarah taqseem kar diya hai k hum main se bohat se toh waise he ghum hojaate hain.........
shaid main abhi bhi mature nahi hoyi hon... shaid main kabhi bhi mature nahi ho sakti, ya phir omer jehangir woh hudd hai, jahan meri maturity kahtam ho
jaati hai, mere hawas kaam kerna chor daitey hain. phir main sirf woh daikhti, woh sunti aur kehti hon jo iss ki khwahish hoti hai. Kia isi kaifiyat ko
muhabbat kehtey hain?
Isse apni ankhein dhundali hoti mehsoos hoyi
Aitraf ka lamha azab ka lamha hota hai ........
Amar bail . _
Baaz dafa jo cheez ap ko nazar aati hai wo faraib hota hai. nazar ka dhoka. Aur jab tak ye baat pata chalti hai bahut dair ho chuki hoti hai. Itni dair k na ap aagay ja saktay hain na peechay.
*******
Hamaray liye 24 ghanton main paanch baar Allah ko yaad karna bahut mushkil hai, laikin hum yeh chahtay hain k Allah 24 ghanton main har pal hamara khayal rakhay. Humain har nuksaan se bachaye, humain har uss cheez se nawazay jis ki humain khawahish hai.
Aur agar in main se koi aik cheez bhi na ho tu hum Allah se shikwa karnay lagtay hain. Ussay batanay lagtay hain k uss ne humain kitna bad-kismat banaya hai. Apni mehroom’ioon ka matam kartay hain.
*******
Baaz dafa khamoshi wajood par nahi, dil main utarti hai. Phir iss se ziyada mukamal, khobsurat aur baa’mani guftagu koi aur cheez nahi kar sakti aur ye guftagu insan ki sari zindagi ka hasil hoti hai aur iss guftagu k baad aik dosray se kabhi dobara kuch kehna nahi parta. Kuch kehnay ki zaroorat rehti hi nahi.
Taken From: HASIL
Yeh jo paisa hai na is ki ginti arboon kharbon tak jati hai bal-k is se bhi agay jo cheez arboon kharboon tak jai na is ki koi kadar nahi hoti-Value ous ki hoti hai jo ungliyoon ki poroon se shuroo ho kar poroon par hi khatum ho jai-jaise khoon k rishty buhat bhi hoon na tu bus dono hathon ki porain hi bhar pati haan-Aik admi k pass paisa kharbon ho sakta hai-rishty arbon kharbon nahi ho sakty....Tu bus yad rakhna jo cheese kum tadaad ya maqdaar ma milay ous ki value ziyada ,Jo dhairon k hisaab se milay ous ki value kum-
Mun o Salwa/Umera Ahmed ..........
Ishq insan ko kainat k kisi dosry hissay mein lay jata hai... Insan ishq-e-majazi se ishq-e-haqeeqi tak safar tab karta hai jab ishq la-hasil rehta hai... jab insan jholi bhar bhar kar muhabbat karay... aur khali dil or hath laykar phirray...
From: Darbar-e-Dil
" Saba ka khat Aarfeen ko kitaab ki tarah lagtaa tha. her lafz koi nayaa mafhoom, koi nayaa maa'ni(meaning) liyea hota tha wo parhta, kuch jumloon per hairaan hota kuch per saktay mai aataa, kuch per is ki saans rukk jaatii. khat dobara parhtaa to koi doosra jumlaa kisi doosrii dunyaa ka derwaza is per khol deta, baa'z dafaa is ka dil chahtaa k wo saba se keh dey, 'cheezon k baray ma aisay mat socho wena zindagee guzarna bohat mushkil ho jaye gee.' her dafaa wo sirf soch ker reh jata, isay kabhi likh nai pata, is mi itni jurrat hi nahi thi. baa'z dafaa is ka dil chahtaa, wo is se kahay k her cheeze k baray ma sochtii ho, mujay likh detii ho. meray baray ma kiaa sochtii ho, yea kioun nahin likhtii'n.
aik baar is ne himmat ker k yea sawaal isay likh hi diya tha. isay is ka jawab abhi tak yaad tha, is ney likha tha.
"jis chezze se be-hadd muhababt ho, is k baray ma sochna nahin chahiyea, soch shubhaat ko paida kerti hai aur shubhaa muhabbat ko khatam ker deta ha, tum chahtay ho, tum se meri muhabbat khatam ho jaye?"
wo dobara is se apnay baray mai kuch jannay ki fermaaish nahin ker sakaa tha.
Book : Meri Zaat Zara-e-Be'Nishaan
"wo jane se pehle aik din hostel mein phirti rahi thi. Wahan ki her cheez k sath us ki yaadein wabasta thin. Aisi yadein jnhein wo bhula dena chahti thi...
Sardion ki wo ratein jab us ne apni zindagi ko barzakh bante dekha tha.....
......Garmion ki wo ratein jab us ka jism barf ka toda ban jata tha....
Us k aansoo, Us k khawab us ki khawishein,,, sub ki qabrein yehin thin.....
Use yun lagta tha jese wo in qabron ki majwar ban chuki ho....
Is qabristan ne us k wajood ko kha lia tha...
Ab jab wo bahir nikalne ki koshish ker rahi thi to us ka poora wajood kat raha tha...."
From: Meri Zaat Zara-e-Bay Nishan
Har aik ko bhikari bana kar rastay main bithaya hua hai, aur har aik khud ko malik samjhta hai. Jab tak thokar nahi lagti,jab tak ghutnoon par nahi girta apni aukaat ka pata hi nahi chaltaa. Wajood k naseeb main hai bhikari hona, bus Zaat bhikari nahi ho sakti. Wajood k muqadar main maangna hai Zaat ka wasaf daina hai.
Sab bhikari hain. Aaj nahi tu Kal, Kal nahi tu parson kabhi na kabhi bhikari ban'na hi parta hai. Maang'na hi hota hai. Koi Ishq maangta hai, koi Duniya aur jo yeh nahi maangta wo Khawahish Ka Khatam hona maangta hai.
~Imaan, Umeed or Mohabat~ (Umera Ahmed)
Ankhain kuch nahi dikhaa'tein, ankhain tu sirf wo dikhaa'ti hain jo hamara dil, hamara dimagh dekhna chahta hai.
From: Shehr-e-Zaat
Kuch chehron ko pehchan'nay main zara bhi dair nahi lagti chahy un se humara koi rishta ho ya na ho. Chahy unhain hum 8 minute baad ya 8 saal baad dehkain. Chahay unhain hum ne muhabbat se daihka ho ya nafrat se magar aik bar daihknay k baad wo chehray damagh main naqsh ho jatay hain. Phir dobara kabhi zehan se ohjal nahi hotay.
From: Abhi Tu Maat Baaqi Hai
Kisi bhi mulk main kuch bhi nahi hota.Her mulk zameen ka eik tukra hota hy.Asal cheez iss zameen k tukray per basny waly logoon k andr hotti hy,khami hamesha un logoon k andr hotti hy,aur yeah khami uss mulk ka taruf ban jatti hy. Aisa singboard jisay phir wo mulk uthaye phirta hy...............
There are currently 1 users browsing this thread. (0 members and 1 guests)
Posting Permissions
Reply With Quote
Bookmarks