لگ رہا ہے شہر کے آثار سے

[intelligent086]

لگ رہا ہے شہر کے آثار سے

آ لگا جنگل در و دیوار سے

جن کو عادت ہو گئی صحراؤں کی
مطمئن ہوتے نہیں گھر بار سے

یہ تو سارا بازوؤں کا کھیل ہے
شہ رگیں کٹتی نہیں تلوار سے

آ گرے ہیں عین ویرانی کے بیچ
کچھ پرندے کچھ شجر بیمار سے

راستوں پہ گھاس اُگ آئی اگر
کون لوٹے گا سمندر پار سے

پھٹ نہ جائے دل کہیں اصرار سے
اس لیے گزرے نہیں بازار سے
***

Similar Threads:

• گل شرم سے بہ جائے گا گلشن میں ہو کر آب سا
• اگر ہنگامہ ہائے شوق سے ہے لامکاں خالی
• پھر مرے شہر سے گزرا ہے وہ بادل کی طرح
• یہ ہمارے آنے والے کل کا اثاثہ ہیں
• شکوہ عبث ہے میرؔ کہ کڑھتے ہیں سارے دن