خرید لیا ہے میں نے ایک خاندانی بکرا
سب بکروں میں نظر آئے یہ ایک ثانی بکرا

گرین آنکھیں ہیں اسکی ایشوریہ رائے جیسی
اک من چلا بولا یہ تو ہے ایک ہندوستانی بکرا

بکریوں سے نفرت بکروں سے جتائے محبت
خان صاحب بولے یہ تو ہے ایک پٹھانی بکرا

ریشم کی طرح اسکے نرم و ملائم بال دیکھ کر
ایک سیانا بولا یہ تو ہے ایک جاپانی بکرا

چھ انچ کی داڑھی اوپر سے دم ہے نسواری
مولوی جی چلائے یہ تو ہے ایک نورانی بکرا

کاٹ کھایا ایک دن ہمسائی کی بکری کا کان
محلے بھر میں مشہور ہوا یہ ایک شیطانی بکرا

دیکھ کر اوباما کی تصویر ہو جائے پاگل سا
کچھ سیاسی لوگ بولے یہ ہے ایک افغانی بکرا

محلے میں بھاگے سارا دن کبھی اِدھر کبھی اُدھر
راہ گیروں نے کہا کہ یہ تو ہے ایک طوفانی بکرا

کھا کھا کہ ہو گیا ہے سانڈ کی طرح موٹا
بیگم نے غصے سے کہا یہ تو ہے ایک پہلوانی بکرا

ایک دن لڑوا دیا محلے کے دو بکروں کو
طاہر کو یہ کہنا پڑا کہ یہ ہے ایک سیاست دانی بکرا


طاہر جاوید طاہر