Apne darwaaze par khud hi dastaken deta hai woh,
ajnabi lehje mein phir poochhta hai “kaun hai” …??
Printable View
Apne darwaaze par khud hi dastaken deta hai woh,
ajnabi lehje mein phir poochhta hai “kaun hai” …??
Ajeeb sanjeedgi hai shehar bhar mein,
ki paagal bhi ab koi hansta nahin …!
Mujhe tumhari nigaahon pe aitmaad nahin,
mere qareeb na aao bada andhera hai …!
Pasand aaya humen bahut peshaa,
khud hi apne gharon ko dhaane ka …!
Dost masroof ho gaye itne,
hum ne dushman se raaz keh daala …!
Tamaam jism ko aankhen bana ke raah tako,
tamaam khel mohabbat mein intezaar ka hai …!
Uss ki aankhen jo kabhi shair sunaane lag jaayen,
jitni ghazlein hain zamane mein, thikaane lag jaayen …!
Ab mere paas teri nishaani nahin koi,
ek khat bacha hua tha woh dariya ko de diya …!
Apney Aap Sey Aankh Churaaye Phirta hOn maiN
Aaiyenay mieN Kis Ka Chehra Daikh Liya hAi
Ab Bhi Sapney bOye tO Emaan hAi Us Ka
Us Ney iN AankhOn mieN Sehra Daikh Liya hAi
@Ubaid; yaha two lines shayari jitni chahe post par sakte hai ek sath