اردو اشعار Urdu Ashaar

بنتی ہے بری کبھی جو دل پر
کہتا ہوں برا ہوعاشقیکا

ماتم سے مرے وہ دل میں خوش ہیں
منہ پر نہیں نام بھی ہنسی کا

اتنا ہی تو بس کسر ہے تم میں
کہنا نہیں مانتے کسی کا

جو دم ہے وہ ہے بسا غنیمت
سارا سودا ہے جیتے جی کا

آغاز کو کون پوچھتا ہے
انجام اچھا ہو آدمی کا

روکیں انہیں کیا کہ ہے غنیمت
آنا جانا کبھی کبھی کا

ایسے سے جو داگ نے نباہی
سچ ہے کہ یہ کام تھا اسی کا

کس نے کہا کہ داغ وفا دار مرگیا
وہ ہاتھ مل کے کہتے ہیں کیا یار مر گیا

دام بلائےعشقکی وہ کشمکش رہی
ایک اک پھڑک پھڑک کے گرفتار مرگیا

آنکھیں کھلیہوئی پس مرگ اس لئے
جانے کوئی کہ طالب دیدار مرگیا