مذکورہ تری بزم میں کس کا نہیں آتا

مذکورہ تری بزم میں کس کا نہیں آتا

پر ذکر ہمارا نہیں آتا نہیں آتا

جینا ہمیں اصلاً نظر اپنا نہیں آتا
گر آج بھی وہ رشک مسیحا نہیں آتا

بیجا ہے ولا اس کے نہانے کی شکایت
کیا کیجے گا فرمائیے اچھا نہیں آتا

کس دن نہیں ہوتا قلق ہجر ہے مجھ کو
کس وقت مرا منہ کو کلیجہ نہیں آتا

ہم رونے پہ آ جائیں تو دریا ہی بہائیں
شبنم کی طرح سے ہمیں رونا نہیں آتا

آنا ہے تو آ جا کہ کوئی دم کی ہے فرصت
پھر دیکھئے آتا ہے یہ دم یا نہیں آتا

ہستی سے زیادہ کچھ آرام عدم میں
جاتا ہے یہاں سے وہ دو بارا نہیں آتا

دنیا ہے وہ صیاد کہ سب دام میں اس کے
آ جاتے ہیں لیکن کوئی دانا نہیں آتا

جو کوچہ قاتل میں گیا پھر وہ نہ آیا
کیا جانے مزہ کیا ہے کہ جیتا نہیں آتا

قسمت ہی سے لاچار ہوں اے ذوق وگرنہ
سب فن میں ہوں میں طاق مجھے کیا نہیں آتا
٭٭٭

Umda

پسند کرنے کا شکریہ

Umdah Intekhab
:Nice:
t4s