معلوم جو ہوتا ہمیں انجام محبت

معلوم جو ہوتا ہمیں انجام محبت

لیتے نہ کبھی بھول کے ہم نام محبت

ہر روز اڑا دیتا ہے وہ کر کے تصدق
دو چار اسیر قفس دام محبت

مانند کباب آگ پہ گرتے ہیں ہمیشہ
دل سوز ترے بستر آرام محبت

کاسہ میں فلک کے نہ رہے نام کو زہر آب
دھر کھینچے اگر تشنہ لب جام محبت

کی جس سے رہ و سم محبت اسے مارا
پیغام قضا ہے ترا پیغام محبت

نے زہد سے ہے کام نہ زاہد سے کہ ہم تو
ہیں بادہ کش عشق و مئے جام محبت

ایمان کو گر رکھ کے نہ یوں کفر کو لے مول
کافر نہ ہو گرویدۂ اسلام محبت

کہتی تھی وفا نوحہ کناں نعش پہ مری
سونپا کسے تو نے مجھے ناکام محبت

معراج سمجھ ذوق تو قاتل کی سناں کو
چڑھ سر کے بل سے زینے پہ تا بام محبت
٭٭٭

V nice

پسند کرنے کا شکریہ

Umdah Intekhab
:Nice:
t4s