راہِ دور عشق ہے روتا ہے کیا

راہِ دور عشق ہے روتا ہے کیا

آگے آگے دیکھیے ہوتا ہے کیا


قافلے میں صبح کے اک شور ہے
یعنی غافل ہم چلے سوتا ہے کیا

سبز ہوتی ہی نہیں یہ سر زمیں
تخمِ خواہش دل میں تُو بوتا ہے کیا

یہ نشانِ عشق ہیں جاتے نہیں
داغ چھاتی کے عبث دھوتا ہے کیا

غیرتِ یوسف ہے یہ وقتِ عزیز
میرؔ اس کو رائگاںکھوتا ہے کیا

Awsome Sharing Keeo It up bro

Umda intekhab
Share karne ka shukariya :)

پسند اور خوب صورت آراء کا بہت بہت شکریہ