دل میں بھرا ز بسکہ خیالِ شراب تھا

دل میں بھرا ز بسکہ خیالِ شراب تھا

مانند آئنے کے مرے گھر میں آب تھا



موجیں کرے ہے بحرِ جہاں میں ابھی تو تُو
جانے گا بعدِ مرگ کہ عالم حباب تھا

اگتے تھے دستِ بلبل و دامانِ گل بہم
صحنِ چمن نمونۂ یوم الحساب تھا

ٹک دیکھ آنکھیں کھول کے اُس دم کی حسرتیں
جس دم یہ سوجھے گی کہ یہ عالم بھی خواب تھا

دل جو نہ تھا تو رات زخود رفتگی میں میرؔ
گہ انتظار و گاہ مجھے اضطراب تھا

Awsome Sharing Keeo It up bro

Umda intekhab
Share karne ka shukariya :)

پسند اور خوب صورت آراء کا بہت بہت شکریہ