مدّت ہوئ کہ سیرِ چمن کو ترس گۓ

مدّت ہوئ کہ سیرِ چمن کو ترس گۓ

گُل کیا غبارِ بوۓ سمن کو ترس گۓ

ہاں اے سکوتِ تشنگیِ درد کچھ تو بول!
کانٹے زباں کے آبِ سخن کو ترس گۓ

دل میں کوئ صدا ہے نہ آنکھوں میں کوئ رنگ
تن کے رفیق صحبتِ تن کو ترس گۓ

اس عہدِ نو میں دورِ متاعِ وفا نہیں
اس رسم و راہِ عہدِ کہن کو ترس گۓ

منزلوں کی ٹھنڈکوں نے لہو سرد کر دیا
جی سست ہے کہ پاؤں چبھن کو ترس گۓ

اندھیر ہے کہ جلوۂ جاناں کے باوجود
کوچے نظر کے ایک کرن کو ترس گۓ

bht khoob Sharing

پسندیدگی کا شکریہ