ہم حادثوں سے بر سر پیکار ہو گئے

جب زندگی کے راستے دشوار ہو گئے

ہم حادثوں سے بر سر پیکار ہو گئے

اشکوں کے تار توڑ گیا وقت کا طلسم

ہم ہچکیوں سے روز کی بیزار ہو گئے

دیکھا اسے قریب سے ہم نے تو یوں ہوا

ہم خامشی سے مائلِ اغیار ہو گئے

جب انتظار تھا تو سویرا نہیں ہوا

سوتے رہے تو صبح کے آثار ہو گئے

بیکار حسرتوں کو ذرا چھانٹ کیا لیا

ہم اپنی منزلوں کے بھی مختار ہو گئے

آزاد تھے تو اپنی زمینیں بلند تھیں

ہاتھوں میں لے کے چاند گرفتار ہو گئے

ڈوبے ہیں ساحلوں کی سرکتی سی ریت میں

لے پانیوں کے ہم بھی طلب گار ہو گئے

ہم ہی سے تو زباں کی حلاوت کا ذکر تھا

ہم ہی مثالِ تلخی ِ گفتار ہو گئے

٭٭٭

T4$ Keep It Up

http://www.mobopk.com/images/pasandkarnekabohatbo.png