عالم وگرنہ عشق میں کیا کیا نہیں لگا

عالم وگرنہ عشق میں کیا کیا نہیں لگا

دیکھا تھا جیسا خواب میں ، ویسا نہیں لگا

ٹوٹا ہوا ہے ایسے تعلق جہان سے
ملنے پہ آشنا بھی شناسا نہیں لگا


جاتے ہوئے کو دور تلک دیکھتے رہے
ایسے کہ پھر وہ لوٹ کے آتا نہیں لگا

اک دن ہوئے تھے گرمیِ بازار کا سبب
پھر اپنے نام پر وہ تماشا نہیں لگا

ویسے تو اپنی ذات میں سارے اکائی ہیں
اپنی طرح سے کوئی بھی تنہا نہیں لگا

دل کے معاملے میں تھی وابستگی عجیب
جب کہہ دیا پرایا تو اپنا نہیں لگا
٭٭٭

T4$ Keep It Up

http://www.mobopk.com/images/pasandkarnekabohatbo.png