بدن کا کھیل تھیں اس کی محبتیں لیکن

عجیب تھی وہ عجب طرح چاہتا تھا میں
وہ بات کرتی تھی اور خواب دیکھتا تھا میں

وصال کا ہو کہ اس کے فراق کا موسم
وہ لذتیں تھیں کہ اندر سے ٹوٹتا تھا میں

چڑھا ہوا تھا وہ نشہ کے کم نہ ہوتا تھا
ہزار بار ابھرتا تھا ڈوبتا تھا میں

بدن کا کھیل تھیں اس کی محبیں لیکن
جو بھید جسم کا تھا جاں سے کھولتا تھا میں

پھر اس طرح کبھی سویا نہ اس طرح جاگا
کہ نیند روح میں تھی اور جاگتا تھا میں

کہاں شکست ہوئی اور کہاں صلہ پایا
کسی کا عشق کسی سے نباہتا تھا میں

T4$ Keep It Up

http://www.mobopk.com/images/pasandkarnekabohatbo.png