Sham e Firaq Ab Na Pooch Aai Or Aa Ke Tal Gai,
Dil Tha Ke Phir Behal Gaia Jaan Thi Ke Phir Sambhal Gai,
Bazam e Khayaal Me Tere Husan Ki Shama Jal Gai,
Dard Ka Chaand Bujh Gaia Hijr Ki Raat Dhal Gai,
Jab Tujhe Yaad Kar Liya Subah Mehak Mehak Uthi,
Jab Tera Gham Jaga Lia Raat Machal Machal Gai,
Dil Se To Har Muaamla Kar Ke Chale They Saaf Hum,
Kehne Me Un Ke Saamne Baat Badal Badal Gai,
Akhir-E-Shab Ke Hum Safar ‘Faiz’ Na Jaane Kia Huye,
Reh Gai Kis Jaga Saba Subah Kidhar Nikal Gai..
