Ronaq-e rahguzar hai tanhaai..

Ronaq-e rahguzar hai tanhaai,
phir meri humsafar hai tanhaai. !

Chaand kyon mand padta jata hai,
tu hai ya baam par hai tanhaai. !

Kya masaa’on ko talaash karen,
zakhm ki chaaragar hai tanhaai. !

Shaam-e ghum odh kar hi so jaao,
shaam-e ghum se udhar hai tanhaai. !

Kirchiyon se bhi aks chunti hai,
sangdil kis qadar hai tanhaai. !

Jinke mehmaan hon shab ke andeshe,
aise logon ka ghar hai tanhaai. !

Lamha bhar ko hai saath saans’on ka,
aur phir umar bhar hai tanhaai. !

Jaane kis ki talaash mein ‘Mohsin
aaj kal dar-ba dar hai tanhaai. !!

@BDunc; @Aliza; @Jelly Bean; @intelligent086; @Ainee; @CaLmInG MeLoDy; @Moona;

Bht khoob

Nice Sharing

:Nice:

t4s

Aalah wah

@Ubaid

Thanks 4 Beautiful Peotry

Gud one