Ek khalish ko haasil-e umar-e rawan rahne diya

Ek khalish ko haasil-e umar-e rawan rahne diya
jaan kar humne unhen na-mehrbaan rahne diya.
Aarzoo-e qurb bhi bakhshi dilon ko ishq ne
faasla bhi mere unke darmiyaan rahne diya.
Kitni deewaron ke saaye haath phailaate rahe
ishq ne lekin humen be-khanuman rahne diya.
Apne apne hausle apni talab ki baat hai
chun liya humne tumhen saara jahaan rahne diya.
Kaun is tarz-e jafa-e aasmaan ki daad de
baagh saara phoonk daala aashiyaan rahne diya.
Ye bhi kya jeene mein jeena hai baghair un ke ‘Adeeb
shama gul kar di gayi baaqi dhuaan rahne diya .!!

@BDunc; @Aliza; @Jelly Bean; @intelligent086; @Ainee; @CaLmInG MeLoDy; @Moona;

Excellent

Nice Sharing

:Nice:

t4s

@Ubaid

Thanks 4 Beautiful Peotry

Bohat hi aalah