دن تو الگ ہے، رات بھی جاگی مرے لیے

دن تو الگ ہے، رات بھی جاگی مرے لیے

سپنوں کی کائنات بھی جاگی مرے لیے

خود کو بٹھا کے رات کی تاریک گود میں

اک منتظر حیات بھی جاگی مرے لیے

تو نے تو خیر مجھ کو لبوں پر سجا لیا

تیری ہر ایک بات بھی جاگی مرے لیے

جاگا ہوں رات بھر جو ترے ہی خیال میں

آنکھوں میں تیری ذات بھی جاگی مرے لیے

مجھ کو خوشی نے جیت کی سونے نہیں دیا

تیری حسین مات بھی جاگی مرے لیے

تجھ کو بٹھا کے چاند ستاروں کے درمیاں

بزمِ تصوّرات بھی جاگی مرے لیے

٭٭٭

kia baat hai...khoobsorat bohot.