جب تین آدمی جماعت کریں تو کیسے کھڑے ہوں؟
جب تین آدمی جماعت کریں تو کیسے کھڑے ہوں؟
قعنبی، مالک، اسحاق بن عبداللہ بن ابی طلحہ، حضرت انس بن مالک رضی اللہ عنہ سے روایت ہے کہ رسول اللہ صلی اللہ علیہ و آلہ و سلم کو ان کی دادی ملیکہ نے کھانے پر بلایا جس کو خود انہوں نے آپ صلی اللہ علیہ و آلہ و سلم کے لیے تیار کیا تھا آپ صلی اللہ علیہ و آلہ و سلم نے کھانا کھا کر نماز پڑھی اور فرمایا کھڑی ہو جاؤ میں تم کو نماز پڑھاتا ہوں حضرت انس کہتے ہیں کہ میں اٹھا اور ایک پرانا بوریا جو پڑے پڑے کالا ہو گیا تھا اس پر پانی ڈالا (اور آپ صلی اللہ علیہ و آلہ و سلم کے لیے بچھا دیا) آپ صلی اللہ علیہ و آلہ و سلم اس پر کھڑے ہوئے اور میں اور (میرا بھائی) یتیم آپ صلی اللہ علیہ و آلہ و سلم کے پیچھے کھڑے ہو گئے اور بڑھیا (ملیکہ) ہمارے پیچھے کھڑی ہوئیں پھر آپ صلی اللہ علیہ و آلہ و سلم نے ہمیں دو رکعتیں پڑھائیں اور فارغ ہو گئے۔
عثمان بن ابی شیبہ، محمد بن فضیل، ہارون بن عنترہ، عبدالرحمن بن اسود کے والد سے روایت ہے کہ علقمہ اور اسود نے حضرت عبداللہ بن مسعود سے (اندر آنے کی) اجازت چاہی اور کافی دیر تک ان کے دروازہ پر بیٹھے رہے اتنے میں ایک باندی آئی اور اس نے (اطلاع دے کر) حضرت عبداللہ بن مسعود سے ان کے لیے اندر آنے کی اجازت طلب کی انہوں نے اجازت دیدی اس کے بعدحضرت عبداللہ بن مسعود نے رسول صلی اللہ علیہ و آلہ و سلم کو ایسا ہی کرتے ہوئے دیکھا ہے۔
سنن ابو داؤد
جلد اول۔66
Re: جب تین آدمی جماعت کریں تو کیسے کھڑے ہوں؟
Re: جب تین آدمی جماعت کریں تو کیسے کھڑے ہوں؟
