امریکی اہلکار پاکستان بھیجنے کا معاملہ، ح

امریکی اہلکار پاکستان بھیجنے کا معاملہ، حسین حقانی نے پیپلز پارٹی کو چارج شیٹ کر دیا

http://img.dunyanews.tv/news/2017/Ma...9_97279223.jpg

سابق سفیر نے کہا ہے کہ جو کچھ کیا سول حکومت کی اجازت سے کیا۔ کہتے ہیں کہ پیپلز پارٹی پھنس چکی، اس لئے انہیں نشانہ بنا رہی ہے۔
واشنگٹن: (دنیا نیوز) اسامہ بن لادن کی تلاش کیلئے سول قیادت کی اجازت سے سی آئی اے اہلکار پاکستان بھجوانے کا الزام اور پیپلز پارٹی کے جوابی وار، حسین حقانی اپنی ہی سابق حکومت کو چارج شیٹ کرنے پر ڈٹ گئے۔ حسین حقانی نے دنیا نیوز کے پروگرام نقطہ نظر میں گفتگو کرتے ہوئے کہا ہے کہ میں نے جو کچھ کیا حکومتی اجازت سے کیا۔ پیپلز پارٹی اس وقت پھنس چکی ہے اور تنقید سے بچنے کے لیے مجھے نشانہ بنا رہی ہے۔ پیپلز پارٹی کا مسئلہ یہ ہے کہ وہ سٹیبلشمنٹ کو باور کرانا چاہتی ہے کہ وہ اچھے لوگ ہیں۔ ان کا کہنا تھا کہ سٹیبلشمنٹ کے کہنے پر بہت سارے لوگ قوالی شروع کر دیتے ہیں۔ قوالی سے گھبرا کر پیپلز پارٹی نے کہا زیادہ آسان کام حسین حقانی سے نجات حاصل کرو۔ حسین حقانی کا کہنا تھا مجھے تو نہیں پتہ تھا امریکا سے کون آدمی گیا تھا جس نے یہ کردار ادا کیا۔ تاہم یہ ایک حقیقت ہے امریکی پاکستان میں موجود تھے جنہوں امریکی حکومت کی مدد کی تھی۔ انہوں نے کہا کہ اس وقت پاکستان اور امریکا ایک دوسرے پر اعتماد نہیں کر رہے۔ پروگرام میں گفتگو کرتے ہوئے حسین حقانی کا کہنا تھا کہ واشنگٹن میں جو کچھ ہوتا ہے اس کا سفیر کو پتہ ہوتا ہے تاہم جو کچھ پاکستان میں ہوتا ہے، اس کا علم نہیں ہوتا۔

Thanks for informative and useful sharing

رائے کا شکریہ