اگر آپ کے بچے کو بخار ہو جائے؟
http://dunya.com.pk/news/special_fea...0_38111579.jpg
ڈاکٹر آصف محمود جاہ
ننھے منے پیارے بچوں کی صحت ماں باپ کے لیے تسلی کا باعث بنتی ہے۔ چھوٹے بچوں کو بخار ہو جائے تو پورے خاندان کے لیے عموماً اور ماں کے لیے خصوصاً پریشانی کا سبب ہوتا ہے۔ بعض اوقات بخار ایک آدھ دن میں خود بخود ٹھیک ہو جاتا ہے اور زیادہ پریشان نہیں کرتا ،لیکن بعض صورتوں میں یہ خطر ناک بھی ثابت ہوسکتا ہیــ۔ اس لیے ضروری ہے کہ اگرآپ کے بچے کو بخار ہو جائے تو اس کا ڈاکٹر کے مشورہ سے علاج کیا جائے۔ بخار عموماً کسی انفیکشن یا بیماری کی وجہ سے ہو سکتا ہے۔ بخار کی علامات بخار ہونے سے بچہ کچھ بدلا بدلا نظر آتا ہے اور ایک سمجھ دار ماں بچے کے رویئے میں تبدیلی سے فوراً آگاہ ہو جاتی ہے کہ کوئی مسئلہ ہے۔ بخار میں بچے کا جسم گرم ہو جاتا ہے۔ وہ زیادہ رونے لگتا ہے اور دودھ پینے میں اس کی دلچسپی بالکل ختم ہو جاتی ہے۔ ٹمپریچر چیک کرنا بچوں میں جسم کا درجہ حرارت چیک کرنا بھی مسئلہ ہو جاتا ہے۔ اس کے لیے یا تو بغل میں تھرما میٹر رکھتے ہیں یا پھر مقعد(Rectum) میں۔ اس کے علاوہ آج کل پٹی نما تھرما میٹر بھی ملتے ہیں ،جو ماتھے پر لگانے سے فوراً ٹمپریچر بتا دیتے ہیں۔ ٹمپریچر کیسے کم کیا جائے؟ بچے کو بخار ہونے کی صورت میں فوری طور پر علاج کی فکر کرنا چاہیے۔ مندرجہ ذیل باتوں پر عمل کریں: -1تیز بخار ٹھنڈے پانی سے پٹیاں کرنے سے کم ہو جاتا ہے۔ -2ٹھنڈے پانی میں بھگو کر پٹیاں چھاتی کے علاوہ سارے جسم پر کریں۔ -3پٹیوں سے بخار کم ہوجائے تو اس کے ساتھ ساتھ بخار ختم کرنے والی کوئی دوا، مثلاً پیراسیٹا مول شربت وغیرہ دینا چاہیے۔ -4چھوٹے بچوں کو دوا دیتے وقت اس بات کا خیال رکھا جائے کہ بچوں کو اسپرین یا ڈسپرین بالکل نہ دی جائے کیونکہ اس سے دماغ کی بیماری ہوسکتی ہے۔ -5 6یا 7 ماہ کی عمر میں جب بچے دانت نکالنا شروع کرتے ہیں تو بخار ہوسکتا ہے۔ اس کے علاوہ حفاظتی ٹیکے لگنے کے بعد بھی بخار ہونے کا امکان ہوتا ہے۔ دونوں صورتوں میں بخار ایک دو دن کے بعد خود بخود ختم ہو جاتا ہے یا پھر بخار دور کرنے والی کسی دوا کے استعمال کرنے سے دور بھاگ جاتا ہے۔ اگر بخار زیادہ دن رہے تو پھر ڈاکٹر سے مشورہ کرنا چاہیے۔ -6بخار کے دوران بچے کی صفائی کا خاص خیال رکھنا چاہیے اور اسے ہوا دار اور روشن کمرہ میں رکھا جائے۔ -7بخار کے دوران خود سے کسی قسم کی اینٹی بائیوٹک دوا کا استعمال ڈاکٹر کے مشورہ کے بغیر نہیں کرنا چاہیے۔ اکثر اوقات ان کی بالکل ضرورت نہیں ہوتی۔ ٭…٭…٭
Re: اگر آپ کے بچے کو بخار ہو جائے؟
Buhat he zabardast sharing ka shukria
Re: اگر آپ کے بچے کو بخار ہو جائے؟
