ہواؤں پر لکھی سرگوشیوں کو

چلو اُس شہر جاتے ہیں
چلو تقدیر کو پھر آزماتے ہیں
چلو ہم ریت سے پیروں کے جا کر نقش چُنتے ہیں
ہواؤں پر لکھی سرگوشیوں کو آج سُنتے ہیں...
چلو پلکوں سے ، نیلے اورسنہرے ریشمی سے خواب بُنتے ہیں
ہتھیلی پر کِسی نے لکھ دیا تھا لمس ہونٹوں کا
اور آنکھوں کے دَریچوں میں اَدھورا خواب رکھا تھا
سماعت اَن چھُوئی سی آہٹوں کی زَد میں ہے شاید
جبھی تو دھڑکنیں چُپ ہیں ، جبھی تو ساعتیں چُپ ہیں
چلو اُس شہر جاتے ہیں
جہاں پر وصل کو زنجیر سے باندھا نہیں جاتا
جہاں تدبیر کو تقدیر سے باندھا نہیں جاتا
معانی کو جہاں تحریر سے باندھا نہیں جاتا
جہاں دل کوکسی جاگیر سے باندھا نہیں جاتا
جہاں پر چاند،تاروں سے مزّین رات ہوتی ہے
جہاں پر چاہتوں کی ہر طرف برسات ہوتی ہے
محبت کی جہاں پر جیت ہوتی ہے،
جہاں پر دل کے سارے دُشمنوں کو مات ہوتی ہے
چلو اُس شہر جاتے ہیں


https://scontent-lhr3-1.xx.fbcdn.net...c5&oe=5765B55F

so nice

عمدہ اور خوب صورت انتخاب
شیئر کرنے کا شکریہ

Nice one

Thanks

baht khoob

20100101103034.jpg

Thanks