http://dunya.com.pk/news/special_fea...RCpu7vjZmn.jpg
ڈاکٹر محمد رشید
عربی: خرمائے یا بس فارسی: خرمائے خشک سندھی: شونحاور بنگالی: غرر کھجور ،انگریزی: Date مشہور عام میوہ ہے۔ اس کا رنگ سرخ ،ذائقہ شیریں اور مزاج گرم اور تر ہوتا ہے۔ اس کی مقدار خوراک چار سے آٹھ عدد تک ہے۔ اس کے حسب ذیل فوائد ہیں۔ چھوہارے کے فوائد: 1۔ چھوہارہ خون صالح پیدا کرتا ہے۔ 2۔ کثیر الغذا ہونے کے ناطے سے بدن کو موٹا کرتا ہے۔ 3 ۔ کمر درد کیلئے بے حد مفید ہے۔ ایسی صورت میں دودھ کے ہمراہ استعمال کرنا چائیے۔ 4۔ گردوں کو طاقت دیتا ہے۔ 5۔ چھوہارے کی گٹھلی عرق گلاب میں گھس کر اگر گوہانجنی پر لگائی جائے تو جلدی آرام آ جاتا ہے۔ 6۔ چھوہارے کی گٹھلی کو بھون کر بطور کافی استعمال کیا جاتا ہے۔ 7۔ سرد مزاج والوں کے لئے مفید ہے جب کہ گرم مزاج والوں کے لیے نقصان دہ ہے۔ 8۔ امراض بلغمی میں مفید ہے۔ 9۔ فالج اور لقوہ میں چھوہارے کو دودھ میں ابال کر پلانے سے فائدہ ہوتا ہے، ایسی صورت میں پانچ عدد چھوہارے اور ایک پائو دودھ صبح و شام استعمال کرنا چاہیے۔ 10۔ یہ دیر ہضم بھی ہے، اس لئے کمزور معدہ والے احتیاط سے اس کو استعمال کریں۔ 11۔ پتھری کو توڑنا ہے۔ 12۔ بلغمی بخار میں دار چینی چھ ماشے، میتھی چھ ماشے، چھوہارہ ایک تولہ اور دودھ ڈیڑھ پائو ابال کر پلانے سے فوری فائد ہ حاصل ہوتا ہے۔ 13۔ بدن کی تھکان کو دور کرتا ہے۔ 14۔حضورؐ نے چھوہارے کے استعمال کو دل کی طاقت کے لئے تجویز فرمایا۔ 15۔بدن میں حرارت پیدا کرنے کے لئے ایک پائو دودھ میں دس عدد چھوہارے ابال کر کھانا بے حد مفید ہوتا ہے۔ اس سے دانت مضبوط ہوتے ہیں اور مسوڑھوں سے خون بہنا رُک جاتا ہے۔ 16۔ جن مریضوں کا ہاضمہ کمزور ہو ان کے لئے تین تولے چھوہارے اور دار چینی چار ماشے ملا کر پانی کے ہمراہ استعمال کرنا مفید ہوتا ہے۔ 17۔ جوڑوں کے درد اور سوجن کے لئے سات عدد چھوہارے اور سونٹھ پسی ہوئی پانچ ماشے دودھ میں جوش دے کر صبح نہار منہ پینے سے بے حد فائدہ ہوتا ہے۔ 18۔ بھوک کھل کر لگانے کے لئے چھوہارے کا اچار استعمال کرنے سے فائدہ ہوتا ہے۔اچار بنانے کی ترکیب یوں ہے۔ چھوہارے ایک پائو، لیموں آدھ کلو، دار چینی، سیاہ مرچ، سیاہ زیرہ، بڑی الائچی کا دانہ ہر ایک چھ ماشہ پیس کر اچار بنا لیں، مقدار خوراک ایک تا تین دانہ چھوہارہ ہے۔ 19۔ نزلہ و زکام کو دور کرنے کے لئے چھوہارے چار عدد، ستاور اور ملٹھی، چھ چھ ماشے کو جوشاند بنا کر پلانے سے پسینہ آ کر طبیعت کھل جاتی ہے اور زکام بھی ٹھیک ہو جاتا ہے۔ 20۔ سینے اور پھیپھڑوں کو طاقت دیتا ہے۔ ٭…٭…٭
