وزن گھٹانے والی قدرتی غذائیں
http://dunya.com.pk/news/special_fea...IiyC1jQnTw.jpg
جو کا آٹا
جَو کے آٹے میں ایسے حل پذیر فائبر موجود ہوتے ہیں جو آہستہ آہستہ ہضم ہوتے ہیں اس طرح نہ صرف بھوک دیر سے لگتی ہے بلکہ فرد کئی گھنٹوں تک توانا محسوس کرتا ہے۔ جو کا آٹا خون میں شوگر کی سطح کو بڑھنے سے روکتا ہے اور شریانوں میں خون جمنے سے بھی روکتا ہے۔ جو کا آٹا چونکہ زود ہضم اور قبض کشا ہوتا ہے ،اس لیے ماہرین کے مطابق:’’یہ آنتوں کے کینسر میں بھی مفید ہوتا ہے۔ مارکیٹ میں مختلف فلیورز میں دستیاب ہے جن میں مصنوعی مٹھاس اور کیمیکل کا استعمال کیا جاتا ہے۔ اس لیے کوشش کرنی چاہیے کہ ان کا استعمال کرنے کے بجائے سادہ جو ے آٹے کا استعمال کر لیا جائے۔ اسے دودھ یا کسی بھی اپنے پسندیدہ فروٹ کے ساتھ استعمال کیا جا سکتا ہے۔ یہ بہت ہی صحت بخش اور زود ہضم غذا تصور کی جاتی ہے۔‘‘ کدو کدو بھی وزن گھٹانے میں بہت اہم کردار ادا کرتے ہیں۔ جاپانی ریسرچ کے مطابق ایک کپ کدو میں چالیس کیلوریز پائی جاتی ہیں۔ یہ انتہائی غذائیت بخش ہوتے ہیں۔ یہ نہ صرف اینٹی آکسیڈنٹ ہوتے ہیں بلکہ ان میں وٹامن اے اور سی اور فائبر بھی خاصی مقدار میں پائے جاتے ہیں۔ اسے وزن گھٹانے والی غذا کاایک اہم حصہ تصور کیا جاتا ہے۔ دہی حالیہ تحقیق کے مطابق دہی چربی کو جلانے اور وزن گھٹانے کا باعث بنتا ہے۔ اس میں چکنائی کی کم مقدار پائی جاتی ہے اس کے علاوہ اس میں موجود کیلشیم اور پروٹین میٹابولزم کو بڑھانے میں اہم کردار ادا کرتے ہیں۔ کیلشیم چکنائی کے ذخائر کو کم کر کے میٹابولزم کے عمل کو تیز کر دیتے ہیں جبکہ پروٹین جسم کی ساخت بنانے اور پٹھوں کے ٹشوز کی حفاظت کرنے میں اہم کردار ادا کرتے ہیں۔ آج کل بازار میں مختلف ذائقوں اور فلیورز کے یوگرٹ کے پیکٹ دستیاب ہوتے ہیں۔ لیکن وزن کم کرنے والے افراد کو ہمیشہ سادہ دہی کا انتخاب کرنا چاہیے۔ گھر میں تیار کیا ہوا دہی سب سے زیادہ مفید اور صحت بخش ہوتا ہے اور ہر روز تازہ دہی کا استعمال تو صحت کیلئے بہت مفید ہوتا ہے۔ دہی کو چٹنی سلاد اور اپنے پسندیدہ پھلوں کے ساتھ بھی استعمال کیا جا سکتا ہے۔ گریپ فر وٹ وزن گھٹانے والے ڈائٹ پلان میں گریپ فروٹ ضرور شامل کیا جاتا ہے۔ کیونکہ اس میں موجود چکنائی کو جلانے والے ایسے مادے یا انزائم موجود ہوتے ہیں جو انسولین کی سطح کو کم کرنے کا باعث ہوتے ہیں۔ وزن بڑی تیزی سے کم ہوتا ہے۔ گریپ فروٹ میں کیلوریز بہت کم مقدار میں موجود ہوتی ہے جبکہ ان میں آکسیڈنٹ وٹامن سی اور پوٹاشیم کافی مقدار میں موجود ہوتا ہے۔ بادام بادام پروٹین فائبر اور طاقتور ایٹنی آکسیڈنٹ اور وٹامن ای کا اہم ذریعہ ہیں۔ تحقیق کے مطابق مٹھی بھر بادام کا روزانہ استعمال وزن گھٹانے میں اہم کردار ادا کرتا ہے۔ اس کے علاوہ باداموں میں پائی جانے والی چکنائی کے حوالے سے ماہرین کی رائے ہے کہ یہ جسم میں مکمل طور پر جذب نہیں ہوتی۔ بادام کو مختلف طریقوں سے استعمال کیا جا سکتا ہے۔
Re: وزن گھٹانے والی قدرتی غذائیں
@intelligent086 Thanks 4 informative Sharing :)
Re: وزن گھٹانے والی قدرتی غذائیں
