مزے جہان کے اپنی نظر میں خاک نہیں

مزے جہان کے اپنی نظر میں خاک نہیں
سوائے خونِ جگر، سو جگر میں خاک نہیں
مگر غبار ہُوے پر ہَوا اُڑا لے جائے
وگرنہ تاب و تواں بال و پر میں خاک نہیں
یہ کس بہشت شمائل کی آمد آمد ہے؟
کہ غیرِ جلوۂ گُل رہ گزر میں خاک نہیں
بھلا اُسے نہ سہی، کچھ مجھی کو رحم آتا
اثر مرے نفسِ بے اثر میں خاک نہیں
خیالِ جلوۂ گُل سے خراب ہیں میکش
شراب خانے کے دیوار و در میں خاک نہیں
ہُوا ہوں عشق کی غارت گری سے شرمندہ
سوائے حسرتِ تعمیر۔ گھر میں خاک نہیں
ہمارے شعر ہیں اب صرف دل لگی کے اسدؔ
کُھلا، کہ فائدہ عرضِ ہُنر میں خاک نہیں



Maze jahan ke apni nazar mein khak nahin
Siwai khoone jiger, so jiger mein khak nahin
Mager ghubar huai per, hawa uda le jaye
Wger na tab-o-tawan, baal-o-per mein khak nahin
Ye kis bahisht shimail ki aama aamad hai!
Kih ghir jalwai, rah guzer meinkhak nahin
Bhla use hi sahi kuch mujhi ko raham aata
Aser mere nafase be aser mein khak nahin
Khayal jalwai gul se khrab hain maikash
Shrab khane ki deewar-o-der mein khak nahin
Hua hon ishqe gharat gari se shermindah
Sewai hasrate tameer ghe mein khak nahin
Hamare shair hain ab sirf dillage ke Asad!
Khula kih, faidah arze huner mein khak nahin