تیرے توسن کو صبا باندھتے ہیں

تیرے توسن کو صبا باندھتے ہیں
ہم بھی مضموں کی ہَوا باندھتے ہیں
آہ کا کس نے اثر دیکھا ہے
ہم بھی اک اپنی ہوا باندھتے ہیں
تیری فرصت کے مقابل اے عُمر!
برق کو پابہ حنا باندھتے ہیں
قیدِ ہستی سے رہائی معلوم!
اشک کو بے سروپا باندھتے ہیں
نشۂ رنگ سے ہے واشُدِ گل
مست کب بندِ قبا باندھتے ہیں
غلطی ہائے مضامیں مت پُوچھ
لوگ نالے کو رسا باندھتے ہیں
اہلِ تدبیر کی واماندگیاں
آبلوں پر بھی حنا باندھتے ہیں
سادہ پُرکار ہیں خوباں غالبؔ
ہم سے پیمانِ وفا باندھتے ہیں

Tere to sun ko saba bandhte hain
Hum bhi mazmon ki hawa bandhte hain
Aah kisne aser daikha hai!
Hum bhi ek apni hawa bandhte hain
Teri fursat ke muqabil, ai umar
Berq ko pa ba hena bandhte hain
Qaide hasti se rihayee maloom
Ashq ko be ser-o-pa bandhte hain
Nashai rung se hai washide gul
Must kab bande qaba bandhte hain
Ghalti haye muzamein mat pooch
Log nale korasa bandhte hain
Ahle tadbeer ki wamandgiyan!
Ablon per bhi hena bandhte hain
Sadah pur kar hain khoban ghalib!
Hum se paimane wafa bandhte hain