ملتی ہے خُوئے یار سے نار التہاب میں

ملتی ہے خُوئے یار سے نار التہاب میں
کافر ہوں گر نہ ملتی ہو راحت عزاب میں
کب سے ہُوں۔ کیا بتاؤں جہانِ خراب میں
شب ہائے ہجر کو بھی رکھوں گر حساب میں
تا پھر نہ انتظار میں نیند آئے عمر بھر
آنے کا عہد کر گئے آئے جو خواب میں
قاصد کے آتے آتے خط اک اور لکھ رکھوں
میں جانتا ہوں جو وہ لکھیں گے جواب میں
مجھ تک کب ان کی بزم میں آتا تھا دورِ جام
ساقی نے کچھ ملا نہ دیا ہو شراب میں
جو منکرِ وفا ہو فریب اس پہ کیا چلے
کیوں بدگماں ہوں دوست سے دشمن کے باب میں
میں مضطرب ہُوں وصل میں خوفِ رقیب سے
ڈالا ہے تم کو وہم نے کس پیچ و تاب میں
میں اور حظِّ وصل خدا ساز بات ہے
جاں نذر دینی بھول گیا اضطراب میں
ہے تیوری چڑھی ہوئی اندر نقاب کے
ہے اک شکن پڑی ہوئی طرفِ نقاب میں
لاکھوں لگاؤ ایک چُرانا نگاہ کا
لاکھوں بناؤ ایک بگڑنا عتاب میں
وہ نالہ دل میں خس کے برابر جگہ نہ پائے
جس نالے سے شگاف پڑے آفتاب میں
وہ سحر مدعا طلبی میں کام نہ آئے
جس سِحر سے سفینہ رواں ہو سراب میں
غالبؔ چُھٹی شراب پر اب بھی کبھی کبھی
پیتا ہوں روزِ ابر و شبِ ماہتاب میں

Milti hai khooai yaar se naar, ilteahb mein
Kafir hon ger na milti ho rahat azaab mein
Kab se hon, kaya btaon jahane khrab mein
Shab haai hijr ko bhi rakhon ger hisab mein
Ta phir na intezar mein neend aaye ta umr bher
Aane ka ahed ker gai, aye jo khuab mein
Qasid ke aate aate, khat ek aur likh rakhon
Main janta hoon jo woh likhein gey jawab mein
Mujh tak kab un ki bazm mein aaya tha daure jaam
Saqi ne kuch mila na diya ho shrab mein
Jo munkire wafa ho, faraib us pe kaya chale
Kion badguman hon dost se dushman ke bab mein
Main muztarib hon wasl mein khaufe raqeeb se
Dala hai tum ko wahm ne kis paich-o-tab mein
Main aur haze wasle, khuda sa zabat hai
Jaan nazer daini bhool gaya izterab mein
Hai teuri chadi huie ander neqab ke
Hai ek shikan padi huie terfe neqab mein
Lakhon lgao eik churana nigah ka
Lakhon bnaao eikbigadna ataab mein
Woh nalah dil mein khas ke braber jagah na paai
Jis nale se shegaf pade aaftaab mein
Woh sahre muddua talabi mein na kam aai!
Jis sher se safeena rawan ho srab mein
Ghalib !chuti Shrab, per ab bhi kabhi kabhi
Peeta hon roze abro shabe mahtaab mein