ہم پر جفا سے ترکِ وفا کا گماں نہیں

ہم پر جفا سے ترکِ وفا کا گماں نہیں
اِک چھیڑ ہے وگرنہ مراد امتحاں نہیں
کس منہ سے شکر کیجئے اس لطف خاص کا
پرسش ہے اور پائے سخن درمیاں نہیں
ہم کو ستم عزیز، ستم گر کو ہم عزیز
نا مہرباں نہیں ہے اگر مہرباں نہیں
بوسہ نہیں، نہ دیجیے دشنام ہی سہی
آخر زباں تو رکھتے ہو تم، گر دہاں نہیں
ہر چند جاں گدازئِ قہروعتاب ہے
ہر چند پشت گرمئِ تاب و تواں نہیں
جاں مطربِ ترانہ ھَل مِن مَزِید ہے
لب پر دہ سنجِ زمزمۂِ الاَماں نہیں
خنجر سے چیر سینہ اگر دل نہ ہو دو نیم
دل میں چُھری چبھو مژہ گر خونچکاں نہیں
ہے ننگِ سینہ دل اگر آتش کدہ نہ ہو
ہے عارِدل نفس اگر آذر فشاں نہیں
نقصاں نہیں جنوں میں بلا سے ہو گھر خراب
سو گز زمیں کے بدلے بیاباں گراں نہیں
کہتے ہو “ کیا لکھا ہے تری سرنوشت میں“
گویا جبیں پہ سجدۂ بت کا نشاں نہیں
پاتا ہوں اس سے داد کچھ اپنے کلام کی
رُوح القُدُس اگرچہ مرا ہم زباں نہیں
جاں ہے بہائے بوسہ ولے کیوں کہے ابھی
غالبؔ کو جانتا ہے کہ وہ نیم جاںنہیں


Hum per jafa se, terke wafa ka guman nahin
Ek chaid hai, wo ger nah murade imtehan nahin
Kis munh se shuker kijiye is lutfe khas ka
Pur shis hai aur pai sukhan dermiyan nahin
Hum ko sitam azeez sitam ger ko hum azeez
Na meherban nahin hai ager meherban nahin
Bosa nahin, na dejiye, dashna m hi sahi
Aakhir zuban to rakhte ho tum, girdahan nahin
Her chund jan gudazi qahro atab hai
Her chund pushte germi-o-tawan nahin
Jaa'n mutrabe tranai hulmimmurid hai
Lab, perdai sanje zamzamai alaman nahin
Khanjer se cheer seena age dl na ho doneem
Dil mein churi chibho ezah ker khonchkan nahin
Hai nanage dil ager atash kadah na ho
Hai adil, nafas az rafshan nahin
Nuksa'n nahin, junoon mein bla se ho gher khrab
Sau gaz zamin ke badle biyaban giran nahin
Kahte ho kaya likha hai teri ser nawisht mein!
Goya jabin pe sajdai but ka nishan nahin
Pata hon us se dad kuch apne kalam ki
Roohul qudus agerche mera hum zuban nahin
Jaan hai bahai bosa, wale kiyon kahein abhi
Ghalib ko janata hai ki woh neem jan nahin