کی وفا ہم سے تو غیر اس کو جفا کہتے ہیں

کی وفا ہم سے تو غیر اس کو جفا کہتے ہیں
ہوتی آئی ہے کہ اچھوں کو برا کہتے ہیں
آج ہم اپنی پریشانئِ خاطر ان سے
کہنے جاتے تو ہیں، پر دیکھئے کیا کہتے ہیں
اگلے وقتوں کے ہیں یہ لوگ، انہیں کچھ نہ کہو
جو مے و نغمہ کو اندوہ رُبا کہتے ہیں
دل میں آ جائے ہے، ہوتی ہے جو فرصت غش سے
اور پھر کون سے نالے کو رسا کہتے ہیں
ہے پرے سرحدِ ادراک سے اپنا مسجود
قبلے کو اہلِ نظر قبلہ نما کہتے ہیں
پائے افگار پہ جب سے تجھے رحم آیا ہے
خارِ رہ کو ترے ہم مہرِ گیا کہتے ہیں
اک شرر دل میں ہے اُس سے کوئی گھبرائے گا کیا
آگ مطلوب ہے ہم کو ،جو ہَوا کہتے ہیں
دیکھیے لاتی ہے اُس شوخ کی نخوت کیا رنگ
اُس کی ہر بات پہ ہم ’نامِ خدا‘ کہتے ہیں
وحشت و شیفتہ اب مرثیہ کہویں شاید
مر گیا غالبؔ آشفتہ نوا، کہتے ہیں


Ki wafw hum se, to gair us ko jafa kahte hain
Hoti aayee hai ki achchon ko bura kahte hain
Aaj hum apni parishani khatir un se
Kahne jate to hain, per daikhiye kaya kahte hain
Agle waqton ke hain ye log unhein kuch na kaho
Jo mai-o-naghmah ko andohruba kahte hain
Dilmein aajate hai, hoti hai jo fursat ghash se
Aur phir kaun se nale ko rasa kahte hain
Hai pere serhade adraak se apna masjood
Qible ko ahle nazar, qiblak numa kahtein hain
Paye afgar pe jab se tujhe rahm aya hai
Khare rah ko tere hum mohre giya kahte hain
Ek sharer dil mein hai, su se koi ghabraye ga
Aag matloob hai hum ko jo hawa kahtein hain
Daikhiye lati hai us shokh ki nakhwat kaya rung
Us ki her bat per hum name khuda kerte hain
Wahshto shaifta ab mersiys kahwein shayad
Mer gaya ghalibe aashaftah nawa kahtein hain