زخم پر چھڑکیں کہاں طفلانِ بے پروا نمک

زخم پر چھڑکیں کہاں طفلانِ بے پروا نمک
کیا مزا ہوتا ، اگر پتھر میں بھی ہوتا نمک
گردِ راہِ یار ہے سامانِ نازِ زخمِ دل
ورنہ ہوتا ہے جہاں میں کس قدر پیدا نمک
مجھ کو ارزانی رہے ، تجھ کو مبارک ہو جیو
نالۂ بُلبُل کا درد اور خندۂ گُل کا نمک
شورِ جولاں تھا کنارِ بحر پر کس کا کہ آج
گِردِ ساحل ہے بہ زخمِ موجۂ دریا نمک
داد دیتا ہے مرے زخمِ جگر کی ، واہ واہ !
یاد کرتا ہے مجھے ، دیکھے ہے وہ جس جا نمک
چھوڑ کر جانا تنِ مجروحِ عاشق حیف ہے
دل طلب کرتا ہے زخم اور مانگے ہیں اعضا نمک
غیر کی منت نہ کھینچوں گا پَے توفیرِ درد
زخم ، مثلِ خندۂ قاتل ہے سر تا پا نمک
یاد ہیں غالبؔ ! تُجھے وہ دن کہ وجدِ ذوق میں
زخم سے گرتا ، تو میں پلکوں سے چُنتا تھا نمک


Zakhm per chidkin kahan tiflane be perwa namak
Kaya maza hota agar patther mein bhi hota namak
Girde rahe yaar hai samane naaze zakhme dil
Wernah hai jahan mein kis qader paida namak
Mujh ko arzani rhai, tujh ko mubarak ho namak
Nalai bulbul ka dard aur khandai gul ka namak
Shore jolan tha kinare baher per kiska ki aaj
Girde sahil hai bah zakhme maujai dariya namak
Daad daita hai mere zakhme jigar ki wah wah!
Yaad kerat hai mujhe daikhe hai woh jis ja namak
Chodker jana tane majroohe aashiq haif hai
Dil talab kerta hai zahkam aur mange hain aaza namak
Gair ki minnat na kheechonga pai taufeer derd
Zakham misle khndai qatil ser ta pa namak
Yaad hain Ghalib !tujhe woh din ki wajde shauq mein
Zakham se girata, to main palkwon se chunta tha namak