بلا سے ہیں جو یہ پیشِ نظر در و دیوار

بلا سے ہیں جو یہ پیشِ نظر در و دیوار
نگاہِ شوق کو ہیں بال و پر در و دیوار
وفورِ عشق نے کاشانہ کا کیا یہ رنگ
کہ ہو گۓ مرے دیوار و در در و دیوار
نہیں ہے سایہ، کہ سن کر نوید مَقدمِ یار
گۓ ہیں چند قدم پیشتر در و دیوار
ہوئی ہے کس قدر ارزانئ مۓ جلوہ
کہ مست ہے ترے کوچے میں ہر در و دیوار
جو ہے تجھے سرِ سوداۓ انتظار، تو آ
کہ ہیں دکانِ متاعِ نظر در و دیوار
ہجومِ گریہ کا سامان کب کیا میں نے
کہ گر پڑے نہ مرے پاؤں پر در و دیوار
وہ آ رہا مرے ہم سایہ میں، تو ساۓ سے
ہوۓ فدا در و دیوار پر در و دیوار
نظر میں کھٹکے ہے بِن تیرے گھر کی آبادی
ہمیشہ روتے ہیں ہم دیکھ کر در و دیوار
نہ پوچھ بے خودئِ عیشِ مَقدمِ سیلاب
کہ ناچتے ہیں پڑے سر بسر در و دیوار
نہ کہہ کسی سے کہ غالبؔ نہیں زمانے میں
حریف رازِ محبت مگر در و دیوار

Bla se hain jo ye pashe nazar der-o-deewar
Nigahe shauq kjo hain bal-o-per, der-o-dewar
Wafoore ashk ne kashane kakiya yeh rung
Ki ho gai mere dewa-o-der, der-o-deewar
Nahin hai saya, ki sun ker nawaide maqdme yaar
Gai hain chand qadam badhter der-o-deewar
Huyee hai kis qaderarzani mai jalwah
Ki mast hai tere koche mein der-o-deewar
Jo hai tujhe sare sauday intezar to aa
Ki hai n dokane mtaye nazar der-o-deewar
Hujoome girya ka saman kab kiya mai ne
Ki gir padey na mere paon per der-o-deewar
Who aa raha hai mere sai se to hum sai mein
Huai fida der-o-deewar per der-o-deewar
Nazar mein khatke hai bin tere gher ki abadi
Hamaishah rote hain hum daikh ker der-o-deewar
Na pooch baikhudi aishe muqadme sailab
Ki nachte hai pade ser ba ser der-o-deear
Na kah kisi se ki Ghalib, nahin zamane mein
Haree raze muhbbat, , magar der-o-deewar