آمدِ خط سے ہوا ہے سرد جو بازارِ دوست

آمدِ خط سے ہوا ہے سرد جو بازارِ دوست
دودِ شمعِ کشتہ تھا شاید خطِ رخسارِ دوست
اے دلِ ناعاقبت اندیش! ضبطِ شوق کر
کون لا سکتا ہے تابِ جلوۂ دیدارِ دوست
خانہ ویراں سازئ حیرت! تماشا کیجیۓ
صورتِ نقشِ قدم ہوں رفتۂ رفتارِ دوست
عشق میں بیدادِ رشکِ غیر نے مارا مجھے
کُشتۂ دشمن ہوں آخر، گرچہ تھا بیمارِ دوست
چشمِ ما روشن، کہ اس بے درد کا دل شاد ہے
دیدۂ پر خوں ہمارا ساغرِ سرشارِ دوست

ق
غیر یوں کرتا ہے میری پرسش اس کے ہجر میں
بے تکلّف دوست ہو جیسے کوئی غم خوارِ دوست
تاکہ میں جانوں کہ ہے اس کی رسائی واں تلک
مجھ کو دیتا ہے پیامِ وعدۂ دیدارِ دوست
جب کہ میں کرتا ہوں اپنا شکوۂ ضعفِ دماغ
سَر کرے ہے وہ حدیثِ زلفِ عنبر بارِ دوست
چپکے چپکے مجھ کو روتے دیکھ پاتا ہے اگر
ہنس کے کرتا ہے بیانِ شوخئ گفتارِ دوست
مہربانی ہاۓ دشمن کی شکایت کیجیۓ
یا بیاں کیجے سپاسِ لذّتِ آزارِ دوست
یہ غزل اپنی، مجھے جی سے پسند آتی ہےآپ
ہے ردیف شعر میں غالبؔ! ز بس تکرارِ دوست

Amade khat se hua hai serd jo bazare dost
Doode shama kushtah tha, shayed khte rukhsare dost
Ai dile na aqibqt andaish !zabte shauq ker
Kaun la sakta hai tabe jalwai dedare dost
Khanai weran sazi-e-hairat tmasha kijiye
Soorate naqshe qadam, hon raftai raftare dost
Ishq mein badae rashke gair ne mara mujhe
Kushtai dushman hon akhir, ger che tha bemare dost
Chashme ma raushan, ki us baiderd ka dilshad hai
Dedai pur khoon hamara, sagare sershar dost
QAF
Gair yon karta hai meri pursish, us ke hijr mein
Bai takalluf dot ho jaide koi gamkhuare dost
Taki main janon ki uski rasaie wan talak
Mujh ko daita hai payame wadai deedare dost
Jab ki main kerta honapna shikwai zofe dimag
Ser kare hai who hadeese zulf anber bare dost
Chupke chupke mujh ko rote daikh pata hai, ager
Hans ke karta hai bayan shokhiye guftare dost
Mehr bani haye dushma ki shikayt kijiye
Yan byan kijiye sapase lazzate azare dost
Ye gazal apni mujhe ji se pasan ati hai aap
Hai radeefe shair mein, Ghalib!az bas takrare dost