پھر ہوا وقت کہ ہو بال کُشا موجِ شراب

پھر ہوا وقت کہ ہو بال کُشا موجِ شراب
دے بطِ مے کو دل و دستِ شنا موجِ شراب
پوچھ مت وجہ سیہ مستئِ اربابِ چمن
سایۂ تاک میں ہوتی ہے ہَوا موجِ شراب
جو ہوا غرقۂ مے بختِ رسا رکھتا ہے
سر پہ گزرے پہ بھی ہے بالِ ہما موجِ شراب
ہے یہ برسات وہ موسم کہ عجب کیا ہے اگر
موجِ ہستی کو کرے فیضِ ہوا موجِ شراب
چار موج اٹھتی ہے طوفانِ طرب سے ہر سو
موجِ گل، موجِ شفق، موجِ صبا، موجِ شراب
جس قدر روح نباتی ہے جگر تشنۂ ناز
دے ہے تسکیں بَدَمِ آبِ بقا موجِ شراب
بس کہ دوڑے ہے رگِ تاک میں خوں ہوہوکر
شہپرِ رنگ سے ہے بال کشا موجِ شراب
موجۂ گل سے چراغاں ہے گزرگاہِ خیال
ہے تصوّر میں ز بس جلوہ نما موجِ شراب
نشّے کے پردے میں ہے محوِ تماشاۓ دماغ
بس کہ رکھتی ہے سرِ نشو و نما موجِ شراب
ایک عالم پہ ہیں طوفانئِ کیفیّتِ فصل
موجۂ سبزۂ نوخیز سے تا موجِ شراب
شرحِ ہنگامۂ مستی ہے، زہے! موسمِ گل
رہبرِ قطرہ بہ دریا ہے، خوشا موجِ شراب
ہوش اڑتے ہیں مرے، جلوۂ گل دیکھ، اسدؔ
پھر ہوا وقت، کہ ہو بال کُشا موجِ شراب

Phir hua waqt ki ho bal kusha mauj-e-shrab
De bate mai ko dil-o-doste shana, mauj-e-shrab
Pooch mat wajhe seeyah masti arbabe chaman
Sayai taak mein hoti hai mauj-e-shrab
Jo hua gurqai mai, bakhte rasa rakhta hai
Ser se guzre bhi yeh bal huma mauj-e-shrab
Hai yeh barsat woh maosam ki ajab kaya hai agar
Mauje hasti ko, faize hawa mauj-e-shrab
Char mauj uthti hai toofan-e-tarabse her soo
Mauj-e-gul, mauj-e-shafaq, mauj-e-saba, mauj-e-bahar
Jisqadar rooh nabati hai jigar tashanai naaz
De hai taskee'n ba dam aabe baqa mauje shrab
Baski daudey hai rag-e-tak mein khoon hoho ker
Shahpar-e-rung se hai bal kusha mauj-e-shrab
Maujai gul se chiraqgan hai guzar gah-e-khayal
Hai tasauor mein zabis jalwah numa mauj-e-shrab
Nashe ke perde mein hai mahwe tamashai dimag
Baski rakhti hai sere nash-o-hum mauj-e-shrab
Eik alam pe hai toofani kaifiyat fasal
Maujai sanzai hasti hai zahe mausame gul!
Rahbare qatrah badariya hai, khusha mauj-e-shrab!
Hosh udte hain mere jalwai gul daikh Asad!
Phir hua waqt ki ho bal kusha mauj-e-shrab