شب کہ برقِ سوزِ دل سے زہرۂ ابر آب تھا

شب کہ برقِ سوزِ دل سے زہرۂ ابر آب تھا
شعلۂ جوّالہ ہر اک حلقۂ گرداب تھا
واں کرم کو عذرِ بارش تھا عناں گیرِ خرام
گریے سے یاں پنبۂ بالش کفِ سیلاب تھا
واں خود آرائی کو تھا موتی پرونے کا خیال
یاں ہجومِ اشک میں تارِ نگہ نایاب تھا
جلوۂ گل نے کیا تھا واں چراغاں آب جو
یاں رواں مژگانِ چشمِ تر سے خونِ ناب تھا
یاں سرِ پرشور بے خوابی سے تھا دیوار جو
واں وہ فرقِ ناز محوِ بالشِ کمخواب تھا
یاں نفَس کرتا تھا روشن، شمعِ بزمِ بےخودی
جلوۂ گل واں بساطِ صحبتِ احباب تھا
فرش سے تا عرش واں طوفاں تھا موجِ رنگ کا
یاں زمیں سے آسماں تک سوختن کا باب تھا
ناگہاں اس رنگ سے خوں نابہ ٹپکانے لگا
دل کہ ذوقِ کاوشِ ناخن سے لذت یاب تھا

Shab ke barqe soze dil se zahrai abre aab tah
Sholai jawwalah, her ek hlqai girdab tha
waan karam ko, uzre barish tha gina nageer kharam
Girye se yan, panbai balish kafe sailab tha
Waan khud aaraye ko tha moti pirone ka khayal
Yaan hujome ashk mein tare nigah nayab tha
Jalwai gul ne kiya tha waan chiragan aanjoo
Yaan rawan masgane chashme tar se khoone nab tah
Yaan sare pur shore, be khuabi se tah deewar jo
Waan woh farqe naaz, mahwe balise kamkhuab tha
Yaan nafas karta tha raushan shame bai khudi
Jalwai gul waan bisate suhbate ahbab tha
Farsh se ta arsh waan toofan tha mauje rang ka
Yaan zamin se aasman tak shokhtanka bab tha
Na gahan is rung se khoonabah tpkane laga
Dil zauqe kawishe nakhun se lazzat yaa b tha.