شوق، ہر رنگ رقیبِ سروساماں نکلا

شوق، ہر رنگ رقیبِ سروساماں نکلا
قیس تصویر کے پردے میں بھی عریاں نکلا
زخم نے داد نہ دی تنگئ دل کی یارب
تیر بھی سینۂ بسمل سے پَرافشاں نکلا
بوئے گل، نالۂ دل، دودِ چراغِ محفل
جو تری بزم سے نکلا، سو پریشاں نکلا
دلِ حسرت زدہ تھا مائدۂ لذتِ درد
کام یاروں کا بہ قدرٕ لب و دنداں نکلا
اے نو آموزِ فنا ہمتِ دشوار پسند!
سخت مشکل ہے کہ یہ کام بھی آساں نکلا
دل میں پھر گریے نے اک شور اٹھایا غالبؔ
آہ جو قطرہ نہ نکلا تھا سُو طوفاں نکلا
۔۔۔۔۔
نسخۂ حمیدیہ میں مزید شعر:
شوخئِ رنگِ حنا خونِ وفا سے کب تک
آخر اے عہد شکن! تو بھی پشیماں نکلا

shauq har rung raqeeb sar-o-saman nikla
qais tasweer ke pardey mein bhi uryan nikla
Zakham ne dad na di tngie dil ki ya rab!
Teer bhi seenai bismil se pur afshan nikla
Booye gul, nalai dil, doode chirage mahfil
Jo teri bazm se nikla so parishan nikla
Dile hasrat zadah tha maidai lazzat dared
Kam yaron ka baqadre lab-o-dandan nikla
Thi nau amooze fina, himmate dushwar pasand
Sakht mushkil hai ki, ye kam bhi asan nikla
Dil mein phir griye ne ek shore uthaya Ghalib
Aah! jo qatrah nah nikla tha, so toofan nikla