mahak milti hai haraarat shikaar kar ne se
mahak milti hai haraarat shikaar kar ne se
gulaab ban gaya sholaa bhii pyaar kar ne se
sadaaeN TooT rahii haiN fazaa se Takraakar
sukoot aur bhii phaile pukaar kar ne se
shab-e-firaaq ko aab-e-hayaat pilvaa do
talab kii umr baRhe intezaar kar ne se
Khud apne Khoon se Dhaanpi barahangii apni
qaba mili hai badan taar-taar kar ne se
mire dukhoN ne mujhe qahqahoN meN dafnaaya
maraa hooN zindaa_dilii iKhtiyaar kar ne se
jo halq tar kare vo ek boond hai kaafii
bujhe na pyaas samandar ko paar kar ne se
"Muzaffar" apnii uRhaaneN bhii saath chhoRh gayiiN
hawaa ke baajuoN par inhisaar kar ne se
"Muzaffar" Warsi
