vaaizaa ! masjid se ab jaate haiN maiKhaane ko ham

vaaizaa ! masjid se ab jaate haiN maiKhaane ko ham
pheNk kar zarf-e-vajoo lete haiN paimaane ko ham

kyaa magas baiThe bhalaa us shola_roo ke saamne
apne daaghoN se jalaa dete haiN parvaane ko ham

tere aage kahte haiN gul khol kar baazoo-e-barg
gulshan-e-aalam se haiN taiyaar uRh jaane ko ham

kaun kartaa hai butoN ke aage sajdaa zaahida
sar ko de-de maar kar toRheiNge butkhaane ko ham

baaNdhte haiN apne dil meN zulf-e-jaanaaN ka Khayaal
is tarah zaNjeer pahnaate haiN deevaane ko ham

aql kho dii thii jo ai ''NasiKh'' ! junoon-e-ishq ne
aashna samjhaa kiye ik umr begaane ko ham

SheKh Imaam BaKhsh ''NasiKh''

Bohat Khoob
Zabardast

Quote:

---

Originally Posted by UmerAmer

Bohat Khoob
Zabardast

---

http://www.mobopk.com/images/hanks4comments.gif