***Kuch Meri Pasand**

میں رنگ میں دیکھتی تھی، خوشبوُمیں سوچتی تھی!
مجھے گُماں تھا
کہ زندگی اُجلی خواہشوں کے چراغ لے کر
مِرے دریچوں میں روشنی کی نوید بن کر اُتر رھی ھے
میں کہر میں چاندنی پہن کر
بنفشی بادل کا ھاتھ تھامے
فضا میں پرواز کر رھی تھی
سماعتوں میں سحاب لہجوں کی بارشیں تھیں
بصارتوں میں گلاب چہروں کی روشنی تھی
ھوا کی ریشم رفاقتیں تھیں
صبا کی شبنم عنائتیں تھیں
حیات خوابوں کا سلسلہ تھی!
کُھلی جو آنکھیں تو سارے منظر دھنک کے اُس پار رہ گئے تھے
نہ رنگ میرے، نہ خواب میرے
ھوُئے تو بس کچھ عذاب میرے
نہ چاند راتیں، نہ پھوُل باتیں
نہ نِیل صُبحیں، نہ جھیل شامیں
نہ کوئی آہٹ، نہ کوئی دستک
حروف مفہوم کھو چُکے تھے
علامتیں بانجھ ھو گئی تھیں
گُلابی خوابوں کے پیراھن راکھ ھو چُکے تھے
حقیقتوں کی برھنگی
اپنی ساری سفّاکیوں کے ھمراہ
جسم و جاں پر اُتر رھی تھی
وہ مہرباں، سایہ دار بادل
عذاب کی رُت میں چھوڑ کر مجھ کو جا چُکا تھا
زمین کی تیز دھُوپ آنکھوں میں چُبھ رھی تھی!

Kaheen kuch bhi nahi badla
Naya yeh shehr hai lekin akelepan ki wehshat ne yahan bhi ghair rakha hai
Wohe uljhan preshani jo pehle thi so abh bhi hai
Wohe din hai wohe raateiN
Wohe hum hain wohe maateiN
Yahan bhi sou balayeiN haiN jiger ka khoon peenay ko
Yahan bhi dam nikalta hai faqt aik saNs jeenay ko
Yahan bhi saNp ban kar rasteen pe rog paltay haiN
Yahan bhi aarzoo ke naam par bus sog paltay haiN
Yahan pe bhi be-sakooni hai
Yahan bhi ghar nahi apna
Yahan bhi be-zameeni hai
KaheeN kuch bhi nahi badla
Yahan bhi qohr pe lipti hoi raatooN ki Sardi hai
Yahan bhi mashghala apna wohe awara-gardi hai
Yahan bhi un-ginet asbaab haiN neendeiN urhanay ko
Yahan bhi khobsorat log haiN dil ke churanay ko
Zara aik firaaq se pariyoon ka koi dais hai yeh bhi
Tumhare shehr jesa hai magar perdais hai yeh bhi
Wohe sab hai jo pichle shehr meiN hum chorh aye haiN
Wohe uljhan, preshani jo pehle thi so abh bhi hai...

نئے برس کا پہلا لمحہ ۔۔

اے میرے ہم نشین
نئے برس کا پہلا لمحہ دل آنگن میں اتر رہا ہے
میرے ہاتھ میں گزرے برس کی کچھ یادیں تھمی ہیں
اور ان یادوں میں میرے اچھے برے کئی پل ہیں...
اور ان لمحوں میں ۔۔۔
میرے ان گنت وہم جو دھڑکن کی صورت دھڑک رہے ہیں
میرے ان گنت اندیشے جو یہاں وہاں بکھرے ہوئے ہیں
شب کی تیسرے پہر مانگی ہوئی بےشمار دعائیں ہیں
میری بےشمار امیدیں جو دلاسا بن کر ساتھ رہی ہیں
اور ۔۔اور۔۔
میری ڈھیر ساری تمنائیں جو بےقرار کرتی رہی ہیں
ان سب سے جڑا ایک نام ہے
وہ نام تمہارا ہے
جو میرا سہارا ہے
سنو
میرے ہم نشین
میں نے
گزرے برس کو وہ سارے گزرے پل واپس کر دئے ہیں
بس ان سے جڑا تمہارا نام پاس رکھ لیا ہے
یہ سوچ کر دعا کے پلو سے باندھ دیا ہے
کہ
ہم نئے برس گزرے برس سے اچھی یادیں بنائیں گے

حلقہ رنگ سے باہر نکلوں
خود کو خوشبو میں سمو کر دیکھوں
اُس کو بینائی کے اندر دیکھوں
عمر بھر دیکھوں کہ پل بھر دیکھوں
کس کی نیندوں کے چُرا لائی رنگ
موجہ زُلف کو چُھوکر دیکھوں
زرد برگد کے اکیلے پن میں
اپنی تنہائی کے منظر دیکھوں
موت کا ذائقہ لکھنے کے لیے
چند لمحوں کو ذرا مَر دیکھوں

بچھڑنے والے!
تجھے خبر ہے؟
کہ تیرے جانے سے میرا جیون
ہزار خانوں میں بٹ گیا ہے
تجھے خبر ہے بچھڑنے والے!
کہ میری خوشیاں ہی کھو گئی ہیں
میں کتنا تنہا سا ہوگیا ہوں
وجود میرا تو اس سفر میں
یہ دیکھ زخموں سے اَٹ گیا ہے
میں سوچتا ہوں!
مگر یہ سوچیں،
کیوں ایک نقطے پہ جم گئی ہیں
کیوں لگ رہا ہے!
کہ جیسے سانسیں ہی تھم گئی ہیں!
مجھے بتا دے بچھڑنے والے!
کہ کیسے خود کو سنبھالنا ہے
ہجر کے رستے پہ چلتے چلتے
یہ میرے پاؤں لہو لہو ہیں
یقین کر لے میں تھک گیا ہوں
بچھڑنے والے! تجھے خبر ہے
میں کب کا خود سے بچھڑ چکا ہوں

bht khubsooraat collection Thanks For SHARING