حروف ابجد

حروف ابجد

الف کلا ہے کافی تینوں
ب بہتے یار نہ بنائیں توں
ت ترس ہووے من دے اندر
ث ثمر بہشتیں کھائیں توں
ج جدائیاں کدے نہ پین تینوں
ح حق حلال دی کھائیں توں
خ خوف خدا دا رکھیں دل دے اندر
د دکھ وی کدے نہ پائیں توں
ذ ذکر کریں توں اوس مولا دا
ر رمز انوکھی پائیں توں
ز زر تے زور دا مان نہ رکھیں
س سکھ دا وقت لنگھائیں توں
ش شان ملے گا بہتا تینوں
ص صبر دا سبق پکائیں توں
ض ضد دی بکل اندر نقصان ڈاہڈا
ط طرف نیکی دے جائیں توں
ظ ظلم نہ کریں توں دنیا اندر
ع عقل نال گل سمجھائیں توں
غ غلطیاں دا ہے انسان پتلا
ف فرض توں نہ وٹ متھے پائیں توں
ق قول زبان دا کریں پکا
ک کدے قول نہ یار بھلائیں توں
ل لین گے تیتھوں حساب قبر اندر
م منکر نکیر نہ منوں بھلائیں توں
ن نیکیاں کر لئے جہان اندر
و ویکھ پرکھ کے یار بنائیں توں
حق حلا ل جے کھائیں بندیا
ی یاری سچے الله نال لائیں توں
غلام حضور شاہ تینوں پیا سمجھاوے
کرکے عمل چنگے من دا سکھ پائیں توں

assalam o alaikum.bohot umda baba ji.bohot shandar paishkash..

Walaikumsalam
Buhat pyari sharing

bari bari meharbani baita
Allah aap ko khush rakhe