دہشتگردوں کیخلاف بلا تفریق کارروائی کی، 90

دہشتگردوں کیخلاف بلا تفریق کارروائی کی، 90 فیصد علاقہ خالی کرا لیا: ترجمان پاک فوج

http://img.dunyanews.tv/news/2015/Ju...1_20421900.jpg
پاک فوج کے ترجمان میجر جنرل عاصم باجوہ نے کہا وزیرستان اور خیبر ایجنسی میں دہشتگردوں کے آخری ٹھکانوں پر آپریشن جاری ہے 90 فیصد علاقہ خالی کرا لیا۔
راولپنڈی: (دنیا نیوز) دنیا نیوز کے پروگرام دنیا اسپیشل میں پاک فوج کے ترجمان میجر جنرل عاصم سلیم باجوہ نے گفتگو کرتے ہوئے کہا دہشتگردوں کیخلاف آپریشن ضرب عضب کامیابی سے جاری ہے۔ دہشتگردوں کیخلاف بلا تفریق کارروائی کی ۔ وزیرستان اور خیبر ایجنسی میں دہشتگردوں کے آخری ٹھکانوں پر آپریشن جاری ہے 90 فیصد علاقہ خالی کرا لیا۔ ان کا مزید کہنا تھا دہشت گردوں کے بڑے بڑے منصوبے انٹیلی جنس کی بنیاد پر ناکام بنائے۔ دہشت گردوں کے پاس اتنا بارود تھا کہ 20 سال تک حملے کر سکتے تھے۔ ڈی جی آئی ایس پی آر نے کہا شمالی وزیرستان سے دہشت گرد افغانستان بھاگے اور خیبر میں جا کر پناہ لی انتظار کیے بغیر فوری خیبر میں آپریشن لانچ کیا۔ خیبر میں دہشت گرد بڑے غرور کیساتھ رہتے تھے کیونکہ پہلے کبھی آپریشن نہیں ہوئے تھے۔ میران شاہ ، میر علی میں دہشت گردوں کے بڑے مضبوط ٹھکانے تھے۔ ان کا مزید کہنا تھا جو دہشت گرد بچے تھے وہ افغانستان میں جا کر چھپے ہیں۔ افغان بارڈرکے قریب پہنچ چکے ہیں۔ افغانستان کیساتھ بڑا لمبا بارڈر ہے جو چیلنج ہے۔ افغانستان کیساتھ بارڈر منیجمنٹ بہتر کر رہے ہیں۔ ترجمان پاک فوج نے کہا افغانستان کیساتھ بارڈر کے حوالے سے کافی کام ہو رہا ہے۔ بارڈر کراس کرنا کافی مشکل کام ہے۔ ترجمان پاک فوج نے کہا اگلے چند دنوں میں فنڈنگ کرنے والوں کو پکڑا جائے گا کراچی شہر بھی دہشت گردوں کی فنڈنگ کا ذریعہ رہا ہے ۔ کراچی سے متعلق ڈی جی رینجرز کی رپورٹ کے حوالے سے ان کا کہنا تھا رپورٹ فائنڈنگ ہے اس پر عمل ہونا ہے۔ ان کا مزید کہنا تھا آئی ڈی پیزکے علاقوں میں سروے بھی ہو رہے ہیں متاثرین کی واپسی میں اگلے دنوں میں تیزی بھی آئیگی۔ حکومت سے فنڈنگ کی بات چل رہی ہے حکومت فنڈنگ کر رہی ہے۔ نیشنل ایکشن پلان پر کچھ چیزوں پر ابھی کام ہو رہا ہے۔ پولیٹیکل لیڈرشپ بھی کہہ رہی ہے بھارت سمیت غیر ملکی مداخلت کے ثبوت ہیں۔

Thanks For Sharing

http://www.mobopk.com/images/hanks4commentsvev.gif