خوشبوئیں ہواؤں میں بکھرتی ہیں

• 
  
  خوشبوئیں ہواؤں میں بکھرتی ہیں
  اور اداسیاں مجھ میں سلگتی ہیں
  
  ہے مکاں مرے دل کا یوں توخالی
  کھڑکیاں مگر باہر کو کُھلتی ہیں
  اور اداسیاں مجھ میں سلگتی ہیں
  
  مسکرا کے شب کوئی ملے دن سے
  کرچیاں کئی یادوں کی چبھتی ہیں
  اور اداسیاں مجھ میں سلگتی ہیں
  
  تو نہیں ترے اس درد کی ماری
  تتلیاں مرے آنگن میں اڑتی ہیں
  اور اداسیاں مجھ میں سلگتی ہیں
  
  شام ہجر کی ہو یا ملن کی رُت
  لڑکیاں تو آنچل میں ہی سجتی ہیں
  اور اداسیاں مجھ میں سلگتی ہیں
  
  رقص ہے ہواؤں کا مرے اندر
  ٹہنیاں درختوں پر مچلتی ہیں
  اور اداسیاں مجھ میں سلگتی ہیں
  
  مضطرب بحر کے دوش پراکثر
  سیپیاں محبت کی کھنکتی ہیں
  اور اداسیاں مجھ میں سلگتی ہیں
  
  پارغم کا کیسے میں کروں صحرا
  کشتیاں سمندر میں ہی چلتی ہیں
  اور اداسیاں مجھ میں سلگتی ہیں
  
  saba
  
  
  

بہت اچھی اور لاجواب شیئرنگ کا شکریہ
آپ کی مزید اچھی اچھی پوسٹس کا انتظار رہے گا