ہوائی جہاز کا بلیک باکس کیوں تباہ نہیں ہوتا؟
اکثر آپ کے ذہن میں بھی یہ سوال آیا ہوگا۔ کہ جب ہوائی جہاز گرتا ہے تو جہاز اکثر مکمل طور پر تباہ ہوجاتا ہے لیکن بلیک باکس صیحح سلامت بچ جاتا ہے۔ جس سے جہاز کے گرنے کی وجوہات معلوم کی جاتی ہیں۔
آخر یہ بلیک باکس کس چیز کا بنا ہوتا ہے کہ اس پر آگ بھی اثر نہیں کرتی۔ تو لیجیئے جناب آج آپ کو اس کے متعلق کچھ دلچسپ معلومات دیتے ہیں۔
دلچسپ بات یہ ہے کہ جس آلے کو...بلیک باکس کا نام دیا گیا ہے۔ اس کا رنگ کالا نہیں ہوتا۔بلکہ اس کا رنگ عموماً نارنجی یا لال ہوتا ہے۔ یہ باکس تین تہوں پر مشتمل ہوتاہے۔ بیرونی تہہ مضبوط سٹیل یا ٹائی ٹینیٹم دھات کی بنی ہوتی ہے، دوسری تہہ ایک انسولیشن خانے کی صورت میں ہوتی ہے جبکہ تیسری تہہ باکس کو شدید آگ اور حرارت سے محفوظ رکھنے میں کام آتی ہے۔ یہ تین تہیں فلائٹ ڈیٹا ریکارڈ اور کاک پٹ وائس ریکارڈ کو تباہ ہونے سے بچا لیتی ہیں۔
یہ باکس کسی بھی طیارے کے حادثے کے بعد انتہائی اہمیت اختیار کر جاتا ہے۔ اس میں دوران پرواز اہم تکنیکی معلومات اور کاک پیٹ میں ہونے والی گفتگو کا ریکارڈ موجود ہوتا ہے جوحادثے کی صورت میں تفتیش کے دوران معاون ثابت ہوتا ہے۔باکس میں ریکارڈ شدہ آوازوں سے معلوم ہو جاتا ہے کہ حادثے کے وقت طیارے کے عملے نے آپس میں یا کنٹرول ٹاور سے کیا گفتگو کی تھی۔
اب اس کی کچھ تاریخ پر نظر ڈالتےہیں۔
ہوابازی کے تحقیق دان" ڈیوڈ وارن" نے 1953 میں پہلے کمرشل جیٹ طیارے کے گر کر تباہ ہونے کی تفتیش کے دوران ایک ایسے آلے کی ضرورت محسوس کی جس سے حادثے کی وجوہات کےتعین میں مدد مل سکے۔ ان کا خیال تھا کہ اگر طیارے میں ایک ایسا آلہ موجود ہو جو دوران پرواز اہم معلومات اور کاک پیٹ میں ہونے والی گفتگو ریکارڈ کر رہا ہو تو حادثے کی صورت میں تفتیش میں مدد مل سکتی ہے۔ وارن نے 1956 میں بلیک باکس کا پہلا نمونہ تیار کیا جو چار گھنٹے کی ریکارڈنگ کر سکتا تھا۔ابتدا میں ان کی ایجاد کو پزیرائی نہ مل سکی لیکن دس سال بعد آسٹریلیا نے ان کے آلے کو مسافر طیاروں کے لیے لازمی قراردیا جس کے بعد یہ باکس دنیا بھر کے مسافر طیاروں میں نصب کیے جا نے لگے۔
بلیک باکس کے کریش سروائی ویل میموری یونٹس Survival Memory Units کے حفاظتی انتظامات کو آزمانے کےلئے اسے مختلف آزمائشوں سے گزارا جاتا ہے۔مثلاً اسے 1100 ڈگری سیلسیسں درجہ حرارت والی آگ میں ایک گھنٹے تک رکھنےکے علاوہ 30یوم کےلئے سمندر کے نمکین پانی میں 4270 میٹر کی گہرائی تک رکھ کر یہ دیکھا جاتا ہے کہ اتنی گہرائی میں اس سے نکلنے والے سگنل سطح تک پہنچتے ہیں یا نہیں۔ بلیک باکس کو محفوظ رکھنے کےلئے طیارے کے پچھلے حصہ میں نصب کیا جاتا ہے کیونکہ حادثے کی صورت میں طیارے کے سامنے کا
حصہ زمین یا پانی سے پہلے ٹکراتا ہے۔
https://fbcdn-sphotos-e-a.akamaihd.n...cf82aec6222093
