دنیا کا انوکھا ہائی وے جو عمارت کے اندر سے گ&#

http://dailypakistan.com.pk/digital_...92664-6816.jpg

ٹوکیو (نیوز ڈیسک) جاپانی شہر اوساکا جانے والے یہ دیکھ کر حیران رہ جاتے ہیں کہ مشہور ہائی وے ہان شین ایکسپریس وے اچانک ایک عمارت میں گھس جاتی ہے اور دور سے دیکھنے پر یہ نظارہ بہت ہی عجیب وغریب نظر آتا ہے۔
اس عجوبے کو دنیا "Gate Tower Building" کے نام سے جانتی ہے اور یہ اوساکا شہر کی پہچان بن چکا ہے۔ ہان شین ایکسپریس وے 16 منزلہ عمارت کے پانچویں، چھٹے اور ساتویں فلور میں سے گزرتی ہے جبکہ اس سے نیچے اور اوپر کے فلورز پر دفاتر اور دیگر سہولیات واقع ہیں۔ جاپانیوں نے شہر کی مشہور سڑک کو ایک عمارت میں سے کیوں گزارا، اس کی تاریخ بہت دلچسپ ہے۔

جاپان کی ایک مشہور کمپنی 1988ءمیں اس جگہ نئی عمارت تعمیر کرنے کی منظوری حاصل کرچکی تھی لیکن بعد ازاں حکومت نے اسی جگہ سے ہان شین ایکسپریس وے کی رابطہ سڑک گزارنے کا منصوبہ بنالیا لیکن کمپنی یہ جگہ چھوڑنے کو تیار نہ تھی۔ پانچ سال تک کمپنی اور حکومت کے درمیان جھگڑا چلتا رہا اور بالآخر یہ طے پایا کہ عمارت بھی بنے گی اور سڑک بھی گزرے گی اور اس کیلئے یہ حل نکالا گیا کہ عمارت کے تین فلورز میں سے رابطہ سڑک گزاری جائے گی۔ اس سڑک کیلئے عمارت کے باہر خصوصی ستون بنائے گئے تاکہ اس کا بوجھ عمارت پر نہ آئے اور سڑک کے گرد ایک خول تعمیر کیا گیا ہے کہ تاکہ عمارت گاڑیوں کے شور اور گمک سے محفوظ رہے۔ اس عجیب و غریب منصوبے کا افتتاح فروری 1992ءمیں کیا گیا اور اب اسے تاریخی اہمیت حاصل ہوچکی ہے۔

khoob

Thanks