Meray Mehboob Ka Aya Hai Mohabbat Nama...................!!!

!!!میرے محبوب کا آیا ہے ۔۔۔۔۔محبت نامہ۔۔۔
(بنام ِ یادگارِ مومی(ملکہ ممتازبیگم
تاج محل
(بہ زُبانِ دُکھی شاہو۔۔(شاہ جہاں


اے میرے پیارے مومی کے نام سے منسوب تاج۔۔اے میرے کاریگروں کے تراشے ہوئے شاہکار۔۔۔میں یہاں عرشِ معلی میں معلق تمھیں اپنا یہ سپاس نامہ لکھ رہا ہوں۔۔۔گو کہ دیکھ سکتا ہو ں کہ دن بہ دن تمھارا حسن گہناتا جا رہا ہے مگر پھر بھی مانتا نہیں ہوں۔۔۔۔کہ مان لوں گا تو عاشق نہیں رہوں گا۔۔۔۔ضد اور عشق ایک دوسرے کے لئے لازم و ملزوم ہوتے ہیں۔۔۔!
سب یہ سمجھتے رہے کہ میں مومی کے عشق میں گرفتار رہاتا زندگی۔۔۔۔خود میرا بھی یہی خیا ل تھامگر ۔۔۔جب اورنگزیب نے مجھے قید میں ڈالا تو تب تم کو دیکھا تو یہ مجھے خیال آیا ۔۔۔۔کہ مومی دھوپ اور تم ہو ۔۔۔دراصل میرا سایہ۔۔۔۔جو جہاں جہاں چلے گا ساتھ ساتھ ہوگا۔۔۔۔تمھاری تعمیر کا مقصد رہتی دنیا تک خود کو تمام انسانوں کے ذہنوں میں محفوظ رکھنا ہی تھا ۔۔۔۔۔پر مجھے کیا معلوم تھا کہ ۔۔تم خود میرے حواسوں پر ایسی طاری ہو جاؤگی کہ میں پھرمومی کو بھی فراموش کر بیٹھوں گا۔۔۔۔!
ہک ہا ۔۔۔وہ بھی کیا دن تھے کہ جب میں اور مومی ہر روز ملا کرتے تھے اور۔۔۔۔مومی کے جانے کے بعد ۔۔۔میں اور تم چاند کے ہمراہ ہر روز سفر کیا کرتے تھے۔۔۔۔پر اب وہ رعنائی ءِ خیال کہاں۔۔۔وہ دن کہاں ۔۔۔۔۔رات کی گھات کہاں۔۔۔۔۔؟
تمھارے سفید سنگِ مرمریں حسن کے آگے مجھے مومی کی سفید دودھیا رنگت بھی پھیکی لگنے لگی تھی۔۔۔۔یہ اور بات کہ میں نے ساری زندگی اِس حقیقت کو تم سے چھپا کے رکھا۔۔۔پر کیونکہ ابھی دو گھنٹے پہلے ہی میری مومی سے بڑی زبردست پٹائی ہوئی ہے اِس لئے آج اِس لمحے اِس راز سے پردہ اُٹھارہا ہوں۔۔۔اِسی لئے اِس وقت عرشِ معلی میں معلق ہوں کہ قبر بدر کر دیا گیا ہوں۔۔۔یہ اورنگزیب کو بھی مجھے دفنانے کے لئے یہی جگہ بھائی تھی۔۔۔۔۔دنیا میں اتنی جگہیں تھیں ۔۔۔کسی دور پار کے ملک میں دفناتے تو میں بھی کہہ پاتا کہ


کتنا ہے خوش نصیب شاہو دفن کے لئے
!!!دو گز زمیں جو ناں ملی کوئے یار میں۔۔۔


ہائے وہ قیدِ تنہائی کی تنہا راتیں۔۔۔۔میری تمھاری خاموش باتیں ۔۔۔پتوں کی سرسراہٹیں ۔۔۔ہوا کی گنگناہٹیں اور مومی کی بڑ بڑاہٹیں ۔۔۔ظاہر ہے کہ اسے میرا تمھیں والہانہ تکنا پسندجو ناں آتا تھا۔۔۔جل ککڑی کہیں کی۔۔۔اَب بھی کہتی ہے کہ وہ۔۔۔وہ ہے جس کے لئے:



ایک شہنشاہ نے بنواکے حسین تاج محل
!!!سار ی دنیا کے فقیروں کا اڑایا تھا مذاق۔۔۔


حالانکہ اے میرے شاہکارِ عالی شان ۔۔۔۔۔ایسا بالکل نہیں تھا۔۔وہ تو مجھے ہوگئی تھی یونہی محبت ۔۔۔۔سرِ راہ چلتے چلتے ۔۔۔سو میں نے تمھاری تعمیر کا قصد کیا تھا۔۔۔مومی کی خوش فہمی کو اِس لئے نہیں دور کیا کہ میں یہ کہنا نہیں چاہتا تھا کہ


کہوں میں تمھیں کہ کیا ہے
یہ مومی برُی بلا ہے
مجھے کیا بُرا تھا مرنا
!!!جو ناں دفن یہاں ہوتا۔۔۔


مجھے آج بھی تمھارا حُسن مبہوت کردیتا ہے۔۔۔میں آج بھی تمھیں مومی سے نظر بچا کے پہروں ،گھنٹوں تکتا رہتا ہوں۔۔۔۔معلوم نہیں تمھیں محسوس ہوتا ہے یا کہ نہیں۔۔۔تمھیں تکتے تکتے میں اتنا مبہوت ہو جاتا ہوںکہ پھر مجھے حواسوں کی دنیا میں واپس مومی کے ہاتھ میں موجو د بیلن ہی لاتا ہے۔۔۔ہائے ظالم کیا کاری وار کرتی ہے ۔۔۔۔وہ بھی تاک کر عین سر کے پچھواڑے۔۔اگلے کتنے ہی گھنٹوں تک آنکھوں کے آگے تارے نہیں ۔۔۔کہکشاں محوِ رقص رہتی ہے۔۔۔!
سچ یہ دن میں سینکڑوں کی تعداد میں سیاح تمھیں دیکھنے تمھارے حسن کو سراہنے آتے ہیں۔۔۔۔مجھے ایک آنکھ نہیں بھاتے ہیں۔۔۔کیونکہ یہ مجھے اپنے اور تمھارے درمیان کباب میں ہڈی کی مانند لگ محسوس ہوتے ہیں۔۔۔میری اور تمھاری گفتگو کے درمیان شورِ اضافی اور خللِ بے سبب۔۔۔۔ربط کھو جاتا ہے۔۔لفظ گم جاتے ہیں ۔۔کم بخت اتنی گٹر پٹر کرتے ہیں کہ اردو کو فارسی اور فارسی کو اردو سمجھنے لگتا ہوں۔۔۔!
میر ابس چلے تو اے سنگِ سفید کے عظیم شاہکار۔۔۔تم پر کسی کی میلی نظر ناں پڑنے دوں۔۔لیکن یہ جو من کی موہنی اگر بتی ہے ناں ۔۔۔اِ س کے ہاتھ زرِمبادلہ کمانے کا بڑا آسان حربہ آیا ہوا ہے۔۔۔سو دنیا کے سارے میلے کچیلے اِس بھارت میں قدم دھرتے ہی کسی شے تمنائے آخرت کریں ناں کریں ۔۔۔۔۔تمھیں دیکھنے کی آرزو اِس شدت سے کرتے ہیں کہ گویا تمھیں ناں دیکھا تو بھارت میں قدم ہی ناں رکھا۔۔۔۔!
دن ڈھلتے جونہی خاموشی ہوتی ہے اور میں پھر سے تم اپنا سلسلہ کلام مومی سے نظر بچا کر جوڑنا چاہتا ہوں تو ۔۔۔۔کمبخت مچھر اپنی بھِن بھِن سے جینا دوبھر کردیتے ہیں اور اس پر یہ گرمی۔۔۔۔۔اور گھپ اندھیرا ۔۔۔مجھے یوں محسوس ہوتا ہے کہ دن میں آگرہ میں رہا اور اب یک دم ۔۔۔۔۔کراچی لاپھینکا گیا ہوں۔۔۔میری بھی مت ماری گئی تھی جو تمھیں کوہِ نور سے روشن رکھنے کا خیال ستا یا۔۔۔مجھے کیا معلوم تھا کہ میں تم سے اپنے عشق کا ثبوت دینے کے بجائے۔۔۔۔ملکہ بر طانیہ بو ڑھی وکٹوریہ کا جی خوش کرنے کا بندوبست کر رہا ہوں۔۔۔لالچی بڑھیا دنیا سے جاتے ہوئے اپنی قبر میں چراغاں کرنے کے لئے ۔۔۔میرے کوہِ نور کو بھی ساتھ ہی لے گئی ۔۔۔۔۔!
ویسے جاناں میں اگر ابھی اِس وقت بادشاہ ہوتا تو تمھیں روشن اور ٹھنڈا رکھنے کے لئے ضرور بجلی کا بندوبست کر دیتا ۔۔۔پاکستانیوں والی بے وفا باجی بجلی جیسی ۔۔۔۔۔بلکہ ہر وقت موجود رہنے والی باوفا بجلی ۔۔۔۔۔اب میں تم سے کیا کہوںکہ ۔۔۔تم سے بچھڑ کر یہ جانا ہے کہ یہ یمنا ۔۔۔۔جو اُس وقت بہت حسین اور دلفریب معلوم بہتی ندی معلوم ہوتی تھی۔۔۔آج اِسے تمھارے قریب پاتا ہوں تو۔۔۔تڑپ جاتا ہوں۔۔۔ندی تو خیر رہی نہیں بس۔۔اک شائبہ ہی ہے۔۔۔۔کہ ندی کے جیسا کچھ ہے۔۔۔۔!
میں جانتا ہوں کہ یہ تمھارے اردگرد موجود سیمنٹ کی فیکڑیاں تمھارے سانس لینے اور خوبصورت رہنے میں دشواری پیدا کرتی ہیں مگر اے میری پیاری دُلاری ۔۔۔۔جب اِس دھوئیں اور آلودگی سے یہ مومی بوڑھی سڑیل جل ککڑی بُری طرح کھانستی ہے اور بناءرکے۔۔۔۔کھانستی ہی چلی جاتی ہے تو۔۔۔سچ جانوکہ مجھے بڑی تقویت ملتی ہے۔۔۔مجھے پڑنے والے بیلنوں کا حساب چکتاہوجاتا ہے۔۔۔!!!
بس میری شاہکار دُلاری۔۔۔کیا کہوں تم سے کہ کتنا دُکھی ہوں ۔۔۔فی الحال میں اپنا یہ دُکھ نامہ ختم کرتا ہوں۔۔۔کہ مومی مجھے آوازیں دے رہی ہے۔۔۔اِ سے بھی چین نہیں ہے ۔۔پہلے نکال باہر کیا اور اب بُلا رہی ہے ۔۔اِس سے پہلے کہ وہ یہاں آجائے اور اُس کے ہاتھ یہ میرا پریم پتر لگے میں چلتا ہوں ۔۔وقت ملا تو پھر اپنی داستانِ الم لکھ بھیجوں گا۔۔۔۔!!!


والسلام
!!!دُکھیارا۔۔۔شاہو۔۔۔


۔۔۔۔۔۔۔۔۔۔۔
مامن مرزا

Bht e Umda

Kafi Arsay Bad APki KOi tehreer Parhne Ko NAseeb Hui....

Walikum As Salam
Bhut Pyari Aur Khubusrat Tehir Post Ki App Nay Aisay Jari Rakhein SHukriya

Taj mehel....dilfraib manzar kashi,,husn e bayaan liye khobsorat tehreer. Lajawabb

Quote:

---

Originally Posted by Armaan

Bht e Umda

Kafi Arsay Bad APki KOi tehreer Parhne Ko NAseeb Hui....

---

Shuker karain naseeb hoi,
Parhnay aur sarhanay k liye behad nawazish...........!

Quote:

---

Originally Posted by Forum Guru

Walikum As Salam
Bhut Pyari Aur Khubusrat Tehir Post Ki App Nay Aisay Jari Rakhein SHukriya

---

Koshish hogi silsila jari o sari rahay,
Azhad nawazish,parhnay aur pasand karnay k liye.....!

Quote:

---

Originally Posted by Ainee

Taj mehel....dilfraib manzar kashi,,husn e bayaan liye khobsorat tehreer. Lajawabb

---

Haan ji taj mehal,
Behad shukriya,azhad nawazish iss darja pazeerai k liye,
Khush raho.....!

لطف اندوز تحریر۔۔۔۔۔۔۔۔۔۔۔۔

Bht E Ummdaa
Welcome Back
Dil Se

buhat umda'....