Hud e Adab ................

**illusionist** · 05-27-2014, 12:14 PM

!!!حد ادب ۔۔۔۔۔۔

زندگی مراسموں کی تلاش میں رھتی ھے ، روح درجن راتوں کے چللے کاٹ رھی ھے لوگ خود ھی مان جاتے ھیں اور خود ھی روٹھ جاتے ھیں ۔ آجکل ابلیس بھی انساں سے خوف کھانے لگا ھے ۔

زمٰیں سے اچھا تو آسماں ھوگا ۔۔۔۔۔۔۔

یہ تمام عجیب و غریب خیالات سوچتے سوچتے میں نے اپنی گاڑی کا دروازہ کھولا اسٹیرنگ سنبھالا اور اگنیشن میں چابی لگائی ۔۔۔۔۔۔۔۔۔ دھت تیری کی ، دو دن پھلے کی جو وارننگ مکینک نے دی تھی وہ آج ثابت ھوئی ، مجھے یقین ھوگیا کے آج جیب ڈھیلی ضرور ھوگی ۔ اگنیشن گھماتے ھی گاڑی میں سے ایسی آوازیں آرھی تھیں جیسے کسی شیر کے منہ میں پھنسا کوئی گیڈر اپنے لیے آخری رسومات کے منتر پڑھ رھا ھو۔

امیتابھ بچن کی طرح سیٹ پر بیٹھ تو گیا تھا مگر اب گاڑی کو دھکا لگوانے کے لیے کسی نہ کسی کو سنجے دت بنانا ھی تھا ۔ یھاں کسی کو گاڑی کے دھکے پر آمادہ کرنا ایسا ھے جیسے آپ نے کھانے کو روٹی مانگ لی ھو خیر ایک شکار تو ھمیں نظر آ ھی گیا ۔۔۔ کسی طور اسے راضی کیا اور خدا خدا کر کے گاڑی اسٹارٹ ھوئی ۔۔۔

جیب میں خوش قسمتی سے ١٠٠٠ کا نوٹ تھا سیدھا مکینک کی دکان پر پھنچا اور اس کو کھا کہ اپنے مریض کی نبض چیک کرکے بتاو آج کیا بلا آئی ھے اس پر جو اپنی زندگی کے دھکوں کے بعد اس کو بھی دھکے لگا کر اسٹارٹ کرنا پڑ رھا ھے ۔

مکینک نے ایک جست لگائی میں تھوڑا پرے ھوا اس کی پھرتی صاف بتا رھی تھی کے میری جیب اس کو چکن بروسٹ نظر آرھی ھے ۔ تھوڑی دیر کے بعد مکینک نے کھا کے سلف کی بشیں بنوانی ھونگی دو گھنٹے لگیں گے کوئی ٨٠٠ کا خرچہ ھے ۔ مجھے یقین نھیں آرھا تھا کہ ٢٠٠ روپے کیسے بچ جائیں گے چلو اس حساب سے آج رات جشن ھونا چاھیے ۔

ابھی ان ھی سوچوں میں غلطاں تھا کہ مکینک نے کھا جناب تھوڑا ایسٹیمٹ بڑھالیں سروس بھی کرانا ھوگی ۔۔۔۔ ١٥٠ اور لگیں گے ۔ افسردگی کے ساتھ میں نے ١٠٠٠ روپے اس کو پکڑائے ٥٠ روپے فورن واپس لیے اور جیب میں اس طرح چھپا لیے جیسے مرغی انڈوں پر بیٹھ گئی کہ اب چوزہ باھر آے گا تو ھی اس نے اٹھنا ھے ۔

سب کام نبٹانے کے بعد تھکا ماندہ میں گھر میں گھسا اور ١٠٠٠ روپے کے خرچے کے بارے میں سوچتے ھوئے آخر کار نیند کی آغوش میں چلا گیا ۔۔

بھر کیف کسی طور ھی سھی ٥٠ روپے تو میں نے ظالم سماج سے بچا ھی لئے تھے اور آج کے دور میں میرے لیے یہ ایک بڑی کامیابی ھوئی نہ ۔۔۔۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔