گاجر کے غذائی اور دوائی فوائد

**intelligent086** · 02-08-2016, 03:41 AM

گاجر کے غذائی اور دوائی فوائد

دلدار خان
گاجر کا مربہ دل، دماغ اور قوت مردی کو طاقت دینے میں بے مثال ہے۔ جسمانی کمزوری کو دور کرتا ہے۔ گاجر پکانے ، کچی کھانے اور اچار بنانے میں عام استعمال ہوتی ہے۔ آج کل اس کا جوس نکال کر پیا جاتا ہے۔ اس کی کانجی بھی بنائی جاتی ہے، جو کہ عام طور پر کالے رنگ کی گاجروں سے بنتی ہے۔ اس کی تین اقسام ہے: سفید، سرخ، اور شربتی (کالا)، گاجر کا حلوہ بھی بنایا جاتا ہے۔ اس کی حسب ذیل خصوصیات اور فوائد ہیں: ٭: مفرح اور مقوی اعضائے رئیسہ ہے۔ ٭: گاجر جگر کے سدے کھولتی ہے اور جسم کو طاقت دینے میں لاثانی سبزی ہے۔ ٭: مثانہ و گردہ کی پتھری گاجر کے جوس سے ٹوٹ کر خارج ہو جاتی ہے۔ ٭: گاجر کا حلوہ جسم کو طاقت دیتا ہے ۔دل کے امراض میں مفید ہے ، روزانہ گاجر کے جوس کا ایک گلاس پینے سے دل کا عارضہ نہیں ہوتا۔ ٭: گاجر میں تمام سبزیوں سے زیادہ غذائیت ہوتی ہے۔ ٭: کچی گاجر کھانے سے بینائی میں اضافہ ہوتا ہے۔ گاجر غریب کا سیب ٭: گاجر کا مربہ سونے یا چاندی کے ورق کے ہمراہ کھانے سے بے حد فرحت بخش اور مقوی ہوتا ہے۔ ٭: گاجر کے جوس کا ایک گلاس ہمراہ چند گری بادام ہر صبح پیا جائے ،تو بے حد طاقت دیتا ہے ،اگر سردی زیادہ ہو تو تھوڑا گرم کر کے پیا جائے۔ ٭: گاجر کے بیج بھی بے حد مقوی اعصاب ہوتے ہیں اور مدر بول و حیض کے لئے اس کی خوراک ایک ماشہ سفوف ہمراہ پانی یا دودھ صبح نہار منہ لینی ہوتی ہے۔ ٭: اس سے کانجی بنائی جاتی ہے ،جو نمکین اور مزیدار مشروب ہے۔ کانجی بھوک بڑھاتی ہے اور گرمی کی شدت کو دور کرتی ہے اور کھانا ہضم کرتی ہے۔ یوں سمجھیے کہ گرمیوں کا بہترین تحفہ ہے ،اگر میسر آ جائے تو…. ! ٭…٭…٭