SHAREHOLIC
  • You have 1 new Private Message Attention Guest, if you are not a member of Urdu Tehzeb, you have 1 new private message waiting, to view it you must fill out this form.

    + Reply to Thread
    + Post New Thread
    Results 1 to 2 of 2

    Thread: ٹھرکی بابا

    1. #1
      UT Poet www.urdutehzeb.com/public_htmlwww.urdutehzeb.com/public_html Dr Maqsood Hasni's Avatar
      Join Date
      May 2014
      Posts
      2,263
      Threads
      786
      Thanks
      95
      Thanked 283 Times in 228 Posts
      Mentioned
      73 Post(s)
      Tagged
      6322 Thread(s)
      Rep Power
      82

      ٹھرکی بابا


      ٹھرکی بابا منسانہ
      فانی مقصود حسنی

      بوڑھے ہو گئے ہیں۔ کوئی کام دھندہ کرتے نہیں‘ ہوتا بھی نہیں ۔ سچی یہ بھی ہے کہ اب کرنے کی طرف طبعیت جاتی بھی نہیں۔ چارپائی پر لیٹ جاؤ اور وقفے وقفے سے‘ اصلی نقلی ہائے ہائے کے نعرے لگاؤ تو جان آسانی سے نکلنے کی دعائیں شروع ہو جاتی ہیں۔ ہائے ہائے میں پھرتی آنے کی صورت میں سورتہ یسین کی تلاوت شروع کر دیتے ہیں کہ جیسے ابھی پھر ہوا۔ اگر بلا ہائے ہائے گھر دن گزارو تو ماضی کے نکمےپن کے گلے شکوے شروع ہو جاتے ہیں۔ کہا جانے لگتا ہے ہٹا کٹا ہے‘ اسے ہڈحرامی کا مرض لاحق ہو گیا ہے۔ اس صورت حال سے نجات کے لیے ہم عمر سنگی گاؤں کے باہر پیپل کے پیڑ کے نیچے چارپائیاں بچھا لیے ہیں۔ سردیوں میں دھوپ میں بیٹھ کر ماضی کے قصے دہراتے ہیں۔ مرچ مصالحہ تو خیر لگانا ہی پڑتا ہے ورنہ بات توجہ نہیں پکڑتی۔ ہاں رائی کا پہاڑ نہیں بناتے۔ کبھی سیاست موضوع بن جاتی ہے۔ مہنگائی بھی زیر گفتگو آتی رہتی ہے۔ کبھی لطیفےبازی کا دور شروع ہو جاتا ہے۔ اس طرح دن اچھا‘ پرلطف اور مصروف گزر جاتا ہے۔
      اس روز لطیفوں کا دور چل رہا تھا۔ سارا دن ہنسی خوشی اور چھڑا چھاڑی میں گزرا۔ دن بھر ہنستے مسکراتے اور قہقہے لگاتے رہے۔ مسکانوں کے پھول جھولی میں ڈالے‘ لبوں پر دبی ہنسی اور آنکھوں میں رومانی کیفیت اور جوانی کی سی چمک دمک لیے‘ میں اپنی زوجہ ماجدہ کے گھر کی طرف بڑھ رہا تھا۔ رستے میں نیکاں جو ادھ کھڑ‘ واجبی سا بوتھا اور کپا جسم رکھتی تھی۔ اسے اچھی بری نظر دیکھنے کی میں سوچ بھی نہیں سکتا تھا‘ مل گئی۔ میں نے لطیفوں کی شرارت کی آغوش میں رہتے ہوئے‘ اس کی طرف دیکھا۔ وہ یوں پھٹ پڑی‘ جیسے میں نے اسے گولی مار دی ہو۔ اس سے پہلے ہزار بار مل چکی تھی لیکن خاموشی سی گزر جاتی تھی۔ عورتیں جمع ہو گئیں اور مجھے طنزیہ اور حیرتیہ نظروں سے دیکھنے لگیں۔ لوگوں نے عمر کا لحاظ کیا ورنہ چھتر تو پڑھ گئے تھے۔ بابا ٹھرکی کے خطاب سے بھی سرفراز کیا۔ گھر پہنچنے سے پہلے میری رومان پروری کے قصے مع لگی لیپٹی گھر کی دہلیز پار کر گئے۔ بڑے اونچے درجے کا خیرمقدم ہوا۔ اس سے تو اچھا تھا کہ چھتر ہی پڑ جاتے۔
      اس واقعے سے ایک اچھا ضرور ہوا‘ جب بھی گلی سے گزرتا‘ چنچل شوخ اور مٹک مٹک کر چلتی بیبیاں‘ مجھے دیکھ کر‘ کبھی دبے اور کبھی کھل کھلا کر‘ ہنس پڑتیں۔ اب کیا تھا‘ گھر دوزخ میں جلتا‘ باہر حوروں پریوں کی مسکراہٹوں کے غول میں‘ زندگی کے کرخت مجبور اور بیمار لمحے گزارنے لگا۔ کبھی کسی کی آنکھوں کی شوخی شک میں ڈال دیتی لیکن میں اپنے آپے میں رہتا۔ میں تو اپنے والی کے قابل نہ رہا تھا‘ کسی بی بی کی لذاتی حس کو کیا تسکین دے پاتا۔ سوچتا کاش یہ سب جوانی میں ہو جاتا۔ نام تو خیر بڑھاپے میں بھی پیدا کر لیا تھا۔ ہر چھوٹا بڑا‘ منہ پر مجھے بابا ٹھرکی کہتا اور ساتھ میں باآواز بلند قہقہے بھی داغتا۔ دوستوں میں نام پیدا ہو گیا۔ مجھے دیکھتے تو کہتے‘ اوہ لاڑا آ گیا جے۔ ہاں ان کے چہرے کی بےبس لاچار اور خوف ناک جھریاں‘ ان کے بڑھاپے کی بےچارگی اور اولاد کی لاپرواہی کی چغلی ضرور کھا رہی ہوتیں۔



    2. The Following User Says Thank You to Dr Maqsood Hasni For This Useful Post:

      intelligent086 (05-06-2018)

    3. #2
      Administrator Admin intelligent086's Avatar
      Join Date
      May 2014
      Location
      لاہور،پاکستان
      Posts
      38,412
      Threads
      12102
      Thanks
      8,639
      Thanked 6,948 Times in 6,474 Posts
      Mentioned
      4324 Post(s)
      Tagged
      3289 Thread(s)
      Rep Power
      10

      Re: ٹھرکی بابا

      نعرہ مستانہ
      واہ
      بڑھاپے کی نفسیات اور حالات کے پس منظر میں لکھی گئی خوب صورت تحریر



      کہتے ہیں فرشتے کہ دل آویز ہے مومن
      حوروں کو شکایت ہے کم آمیز ہے مومن

    4. The Following User Says Thank You to intelligent086 For This Useful Post:

      Dr Maqsood Hasni (05-06-2018)

    + Reply to Thread
    + Post New Thread

    Thread Information

    Users Browsing this Thread

    There are currently 1 users browsing this thread. (0 members and 1 guests)

    Visitors found this page by searching for:

    Nobody landed on this page from a search engine, yet!
    SEO Blog

    User Tag List

    Posting Permissions

    • You may not post new threads
    • You may not post replies
    • You may not post attachments
    • You may not edit your posts
    •